Koronavirýsqa qarsy vatsinany jappai óndirýmen nelikten Densaýlyq saqtaý ministrligi emes, Bilim jáne ǵylym ministrligi ainalysady? Bul saýalǵa QR Densaýlyq saqtaý birinshi vitse-ministri Marat Shoranov jaýap berdi, dep habarlaidy "Ult aqparat".
«Vaktsinany ázirleýshi institýt Bilim ministrligine qarasty uiym sanalady. Sondyqtan biz, densaýlyq saqtaý júiesi retinde atalǵan vaktsinanyń tiimdiligin baqylaýǵa jáne olardy naryqqa jiberýge qatysamyz. Bul - jalpy álemdik tájiribe sanalady. Densaýlyq saqtaý ministrliginiń quziretin óndirý kirmeidi», - dedi ol Ortalyq kommýnikatsiialar qyzmetindegi baspasóz máslihaty barysynda.
Birinshi vitse-ministr qazaqstandyq vaktsinany shyǵarýǵa Densaýlyq saqtaý ministrligi qandai kómek kórsetetindigin de aityp berdi.
«Dárilik zattardy saraptaý ortalyǵymyz klinikalyq synaqtyń barlyq satysynda saraptama júrgizip, nátijesinde sarapshylyq qorytyndy beredi. Komissiia qorytyndysy jasalady. Sodan keiin atalǵan preparatty Meditsinalyq-farmatsevtikalyq baqylaý komitetinde tirkeý júrgiziledi», - dedi Marat Shoranov.
