Profilaktikalyq meditsina akademiiasynyń sarapshysy Baýyrjan Júsipov koronavirýsqa qarsy vaktsinanyń tiimdiligin atady, dep habarlaidy QazAqparat.
«Vaktsinanyń tiimdiligi jaiynda sóz qozǵaǵanda eń aldymen onyń juqtyrý jaǵdailarynyń aldyn alýdaǵy tiimdiligine nazar aýdaramyz. Zertteý júrgizilgen kezde tek juqtyrý jaǵdailary ǵana emes, sonymen birge aýyr túrleriniń aldyn alý, ólim-jitimdi boldyrmaý derekteri qaperge alynady», - dedi ol Ortalyq kommýnikatsiialar qyzmetindegi baspasóz máslihaty barysynda.
Onyń atap ótýinshe, qazirgi tańda qoldanysqa engizilgen vaktsinalar, onyń ishinde «Astra Zeneca» vaktsinasy juqtyrýdyń jańa jaǵdailarynyń aldyn alýda tiimdiligi tómen bolǵanymen adam aǵzasyn qorǵaýda jaqsy nátije kórsetip otyr.
«Biz qaita juqtyryp almaý úshin ǵana vaktsinatsiia jasaý kerek dep otyrǵanymyz joq. Vaktsina saldyrsaq, virýs juqtyryp alǵan kúnniń ózinde aýrýdyń aýyr túri men ólim-jitimniń aldyn ala alamyz», - dedi Baýyrjan Júsipov.
