Qazaqstanda reseilik vaktsinany shyǵarý jolǵa qoiyldy jáne otandyq vaktsina da tirkeletin bolady. Bul týraly Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Qazirgi ýaqytta koronavirýs indetiniń ósýi baiqalady. Ásirese, «qyzyl» aimaqqa kirgen Almaty, Nur-Sultan qalalarynda jáne Batys Qazaqstan oblysynda. Virýstyń reprodýktivti kórsetkishi respýblika boiynsha 1,1 quraidy. Infektsiialyq aýrýhanalar 24% tolyq.
Virýstyń taralý deńgeiiniń ósýi negizinen – halyqtyń shekteý sharalaryn, maska taǵý rejimin jáne áleýmettik qashyqtyqty jetkiliksiz saqtaý saldarynan bolyp otyr. Sondyqtan turǵyndar profilaktikalyq jáne sanitariialyq normalarǵa joǵary jaýapkershilikpen qaraýy tiis», - deidi QR Premer-Ministri.
Asqar Maminniń aitýynsha, vaktsinatsiia – koronavirýs infektsiiasynyń taralýyna qarsy kúreste mańyzy joǵary faktor.
«Qazir vaktsinaǵa qoljetimdilikti qamtamasyz etý jáne jappai egý – pandemiiamen kúresýdegi basty mindet bolyp otyr. Aqpannyń basynan bastap halyqty vaktsinalaý bastaldy. Alǵashqylardyń qatarynda meditsina qyzmetkerleri, odan keiin muǵalimder, politsiia men kúshtik qurylymdardyń qyzmetkerleri aldy. Vaktsina alǵandardyń barlyǵynyń jaǵdaiy jaqsy, vaktsina qalypty áser etti jáne teris saldary baiqalǵan joq. Qazaqstanda reseilik vaktsinany shyǵarý jolǵa qoiyldy jáne otandyq vaktsina da tirkeletin bolady», - deidi ol.
