QR Densaýlyq saqtaý ministri Ajar Ǵiniiat Úkimet otyrysynda vaktsina alǵandardyń 65%-yn revaktsinatsiialaý josparda bar ekenin aitty, dep habarlaidy QazAqparat.
«Koronavirýs infektsiiasynyń taralýyna qarsy is-qimyldy kúsheitý úshin densaýlyq saqtaý júiesine júktemeni eskere otyryp, koronavirýstyń taralýyn boljaý matritsasy qaita qaraldy Soǵan bailanysty, sanitarlyq-profilaktikalyq sharalar vedomstvoaralyq komissiianyń otyrysynda engiziledi», - dedi ministr.
Sondai-aq, ol ujymdyq immýntitetti saqtaýdyń mańyzdylyǵyna toqtaldy.
«Sonymen qatar, ujymdyq qorǵanys pen turaqty epidemiologiialyq jaǵdaidy saqtaý úshin buryn KVI-ge qarsy vaktsinalanǵandardyń keminde 65%-y revaktsinatsiiamen qamtylady», - dedi vedomstvo basshysy.
Buǵan deiin Ajar Ǵiniiat elimizde koronavirýsqa qatysty epidemiologiialyq ahýaldy baǵalaý matritsasy jańa tártipte júrgiziletinin aitqan bolatyn.
«Sary» aimaqqa ótken kezde infektsiianyń taralý oshaǵyn oqshaýlaýǵa qatysty qosymsha sharalar qabyldanady. Bul rette bizneske júkteme túsirmei, tiisti qadamdar júzege asyrylady. Al, «qyzyl» aimaqqa ótken kezde, óńirlerde «sary» aimaq kezinde qabyldanǵan is-qimyldarǵa qosymsha turǵyndardyń qozǵalysyn shekteý men kásipkerlik sýbektileri qyzmetine qatysty sharalar qabyldanady. Bul jumystar eki kezeń boiynsha iske asyrylady, sondai-aq statsionarlar men bastapqy meditsinalyq-sanitarlyq kómek mekemeleriniń júktemesi eskeriledi.
