قر دەنساۋلىق ساقتاۋ مينيسترٸ اجار عينييات ٷكٸمەت وتىرىسىندا ۆاكتسينا العانداردىڭ 65%-ىن رەۆاكتسيناتسييالاۋ جوسپاردا بار ەكەنٸن ايتتى, دەپ حابارلايدى قازاقپارات.
«كوروناۆيرۋس ينفەكتسيياسىنىڭ تارالۋىنا قارسى ٸس-قيمىلدى كٷشەيتۋ ٷشٸن دەنساۋلىق ساقتاۋ جٷيەسٸنە جٷكتەمەنٸ ەسكەرە وتىرىپ, كوروناۆيرۋستىڭ تارالۋىن بولجاۋ ماتريتساسى قايتا قارالدى سوعان بايلانىستى, سانيتارلىق-پروفيلاكتيكالىق شارالار ۆەدومستۆوارالىق كوميسسييانىڭ وتىرىسىندا ەنگٸزٸلەدٸ», - دەدٸ مينيستر.
سونداي-اق, ول ۇجىمدىق يممۋنتيتەتتٸ ساقتاۋدىڭ ماڭىزدىلىعىنا توقتالدى.
«سونىمەن قاتار, ۇجىمدىق قورعانىس پەن تۇراقتى ەپيدەميولوگييالىق جاعدايدى ساقتاۋ ٷشٸن بۇرىن كۆي-گە قارسى ۆاكتسينالانعانداردىڭ كەمٸندە 65%-ى رەۆاكتسيناتسييامەن قامتىلادى», - دەدٸ ۆەدومستۆو باسشىسى.
بۇعان دەيٸن اجار عينييات ەلٸمٸزدە كوروناۆيرۋسقا قاتىستى ەپيدەميولوگييالىق احۋالدى باعالاۋ ماتريتساسى جاڭا تەرتٸپتە جٷرگٸزٸلەتٸنٸن ايتقان بولاتىن.
«سارى» ايماققا ٶتكەن كەزدە ينفەكتسييانىڭ تارالۋ وشاعىن وقشاۋلاۋعا قاتىستى قوسىمشا شارالار قابىلدانادى. بۇل رەتتە بيزنەسكە جٷكتەمە تٷسٸرمەي, تيٸستٸ قادامدار جٷزەگە اسىرىلادى. ال, «قىزىل» ايماققا ٶتكەن كەزدە, ٶڭٸرلەردە «سارى» ايماق كەزٸندە قابىلدانعان ٸس-قيمىلدارعا قوسىمشا تۇرعىنداردىڭ قوزعالىسىن شەكتەۋ مەن كەسٸپكەرلٸك سۋبەكتٸلەرٸ قىزمەتٸنە قاتىستى شارالار قابىلدانادى. بۇل جۇمىستار ەكٸ كەزەڭ بويىنشا ٸسكە اسىرىلادى, سونداي-اق ستاتسيونارلار مەن باستاپقى مەديتسينالىق-سانيتارلىق كٶمەك مەكەمەلەرٸنٸڭ جٷكتەمەسٸ ەسكەرٸلەدٸ.
