Sanitarlyq-epidemiologiialyq baqylaý komiteti tóraǵasynyń orynbasary Záýre Ahmetova Qazaqstanda koronavirýsqa qarsy qoldanylatyn vaktsinalardyń tiimdiligi týraly statistikany aitty, dep habarlaidy QazAqparat.
Áýeli Densaýlyq saqtaý vitse-ministri Marat Shoranov koronavirýspen birneshe ret aýyrǵandardyń sanyn atady.
«Koronavirýspen qaitalap aýyrǵandardyń sany 23 myń adamdai bolady. Byltyrǵy naýryzdan bastap qaitalap aýyryp, emdelgenderdiń sany osynsha. Sonyń ishinde 3 200 adam statsionarlyq em alǵandar. Qalǵan 20 myń adam jeńil formada aýyryp, emhana deńgeiinde em alǵan», - dedi Densaýlyq saqtaý vitse-ministri Marat Shoranov.
Záýre Ahmetovanyń aitýynsha, vaktsinanyń birinshi komponentin alǵannan keiin aýyrǵandardyń úlesi 0,1 paiyz bolsa, ekinshi komponentin alǵannan keiin aýyrǵandardyń úlesi – 0,2 paiyz.
«Koronavirýspen aýyrǵandardyń statistikasyn qarasaq, 99,9 paiyzy vaktsina almaǵandar. Tek 0,1 paiyzy ǵana vaktsina alǵannan keiin aýyrǵan. Onyń sany – 20 211 adam. Vaktsinalardyń túrine qarai jiktesek, birinshi komponent alyp aýyrǵandardyń sany – 7 070 adam», - dedi komitet ókili.
Onyń ishinde «Spýtnik V» alǵan 6 108 adam (0,1 paiyz). Bul vaktsinany 5 mln 669 855 adam alǵan.
QazVac vatsinasyn 172 707 adam alǵan. Onyń ishinde 172 adam aýyrǵan (0,1 paiyz).
Hayat-Vax alǵandar sany - 529 349 adam. Onyń ishinde 553 adam aýyrǵan (0,1 paiyz).
CoronaVac ekpesin alǵandar arasynda 218 adam aýrý juqtyrǵan (0,1 paiyz). Jalpy bul vaktsinany alǵandar sany - 249 373 adam.
«Ekinshi komponent alǵannnan keiin 13 141 adam aýyrǵan. Bul – 0,2 paiy», - deidi Záýre Ahmetova.
Onyń ishinde «Spýtnik V» alǵan 4 mln 912 195 adamnyń 11 101-i aýyrǵan (0, paiyz).
QazVac vatsinasynyń ekinshi komponentin alǵan 113 730 adamnyń 231-i aýyrǵan (0,2 paiyz).
Hayat-Vax alǵandar sany - 472 463 adam. Onyń ishinde 1 448 adam aýyrǵan (0,1 paiyz).
CoronaVac ekpesin alǵandardyń 341-i aýrý juqtyrǵan (0,15 paiyz).
