ۆاكتسينا العاندار اراسىندا اۋرۋ دەڭگەيٸ قانداي?

سانيتارلىق-ەپيدەميولوگييالىق باقىلاۋ كوميتەتٸ تٶراعاسىنىڭ ورىنباسارى زەۋرە احمەتوۆا قازاقستاندا كوروناۆيرۋسقا قارسى قولدانىلاتىن ۆاكتسينالاردىڭ تيٸمدٸلٸگٸ تۋرالى ستاتيستيكانى ايتتى, دەپ حابارلايدى قازاقپارات.

ەۋەلٸ دەنساۋلىق ساقتاۋ ۆيتسە-مينيسترٸ مارات شورانوۆ كوروناۆيرۋسپەن بٸرنەشە رەت اۋىرعانداردىڭ سانىن اتادى. 

«كوروناۆيرۋسپەن قايتالاپ اۋىرعانداردىڭ سانى 23 مىڭ ادامداي بولادى. بىلتىرعى ناۋرىزدان باستاپ قايتالاپ اۋىرىپ, ەمدەلگەندەردٸڭ سانى وسىنشا. سونىڭ ٸشٸندە 3 200 ادام ستاتسيونارلىق ەم العاندار. قالعان 20 مىڭ ادام جەڭٸل فورمادا اۋىرىپ, ەمحانا دەڭگەيٸندە ەم العان», - دەدٸ دەنساۋلىق ساقتاۋ ۆيتسە-مينيسترٸ مارات شورانوۆ. 

زەۋرە احمەتوۆانىڭ ايتۋىنشا, ۆاكتسينانىڭ بٸرٸنشٸ كومپونەنتٸن العاننان كەيٸن اۋىرعانداردىڭ ٷلەسٸ 0,1 پايىز بولسا, ەكٸنشٸ كومپونەنتٸن العاننان كەيٸن اۋىرعانداردىڭ ٷلەسٸ – 0,2 پايىز. 

«كوروناۆيرۋسپەن اۋىرعانداردىڭ ستاتيستيكاسىن قاراساق, 99,9 پايىزى ۆاكتسينا الماعاندار. تەك 0,1 پايىزى عانا ۆاكتسينا العاننان كەيٸن اۋىرعان. ونىڭ سانى – 20 211 ادام. ۆاكتسينالاردىڭ تٷرٸنە قاراي جٸكتەسەك, بٸرٸنشٸ كومپونەنت الىپ اۋىرعانداردىڭ سانى – 7 070 ادام», - دەدٸ كوميتەت ٶكٸلٸ. 

ونىڭ ٸشٸندە «سپۋتنيك V» العان 6 108 ادام (0,1 پايىز). بۇل ۆاكتسينانى 5 ملن 669 855 ادام العان. 

QazVac ۆاتسيناسىن 172 707 ادام العان. ونىڭ ٸشٸندە 172 ادام اۋىرعان (0,1 پايىز). 

Hayat-Vax العاندار سانى - 529 349 ادام. ونىڭ ٸشٸندە 553 ادام اۋىرعان (0,1 پايىز). 

CoronaVac ەكپەسٸن العاندار اراسىندا 218 ادام اۋرۋ جۇقتىرعان (0,1 پايىز). جالپى بۇل ۆاكتسينانى العاندار سانى - 249 373 ادام. 

«ەكٸنشٸ كومپونەنت العانننان كەيٸن 13 141 ادام اۋىرعان. بۇل – 0,2 پايى», - دەيدٸ زەۋرە احمەتوۆا. 

ونىڭ ٸشٸندە «سپۋتنيك V» العان 4 ملن 912 195 ادامنىڭ 11 101-ٸ اۋىرعان (0, پايىز). 

QazVac ۆاتسيناسىنىڭ ەكٸنشٸ كومپونەنتٸن العان 113 730 ادامنىڭ 231-ٸ اۋىرعان (0,2 پايىز). 

Hayat-Vax العاندار سانى - 472 463 ادام. ونىڭ ٸشٸندە 1 448 ادام اۋىرعان (0,1 پايىز). 

CoronaVac ەكپەسٸن العانداردىڭ 341-ٸ اۋرۋ جۇقتىرعان (0,15 پايىز).