Almatyda V Qysqy respýblikalyq spartakiada aiaqtaldy, dep habarlaidy QazAqparat.
Almaty qalasynyń sport basqarmasynda málim etkendei, jeltoqsan aiynyń 4-27 aralyǵynda ótken V Qysqy respýblikalyq spartakiadadanyń qorytyndysy boiynsha jalpykomandalyq esepte - Almaty qalasynyń sportshylary jeńiske jetti (5795,4 upai).
Ekinshi oryndy - ShQO komandasy aldy (5664 upai).
Úshinshi oryn - Aqmola oblysynyń sportshylaryna buiyrdy (2593 upai).
Almatylyq atletter - 6 altyn jáne 5 kúmis medal ielendi.
Júldegerler kýboktar, medaldar jáne maqtaý qaǵazdarymen marapattaldy.
Spartakiadanyń aiaqtalý rásimi búgin «Almaty Arena» muz aidynynda ótti.
Aita keteiik, buǵan deiingi ótken spartakiada da almatylyq sportshylar jeńimpaz atanǵan bolatyn.
Eske salsaq, Almatyda V Qysqy respýblikalyq spartakiada 21 jeltoqsanda saltanatty túrde ashylǵan edi. Qysqy sport oiyndaryna elimizdiń eń myqty sportshylary: biatlon, kerling, konkimen júgirý, mánerlep syrǵanaý, short-trek, shaibaly hokkei (erler), shaibaly hokkei (áielder), taý shańǵysy sporty, aralas shańǵy, shańǵymen sekirý, snoýbord, fristail-mogýl, fristail akrobatika sport túrleri boiynsha synǵa tústi.
