Mamandar ujymdyq immýnitet qalyptastyrý úshin elimizde qansha adamǵa vaktsina salý kerektigin aitty, dep habarlaidy QazAqparat.
Ortalyq kommýnikatsiialar qyzmetindegi baspasóz máslihatynda KVI-diń jańa shtamdarynyń paida bolýyn eskere otyryp, ujymdyq immýnitet qalyptastyrý úshin Qazaqstan halqynyń qansha úlesi vaktsina saldyrýy kerektigi suraldy.
QR DSM Ulttyq Ftiziopýlmonologiia ǵylymi ortalyǵy direktorynyń klinikalyq jáne ǵylymi jumystar jónindegi orynbasary Lázzat Eralievanyń paiymynsha, Qazaqstan halqynyń jalpy sanyn eskere otyryp, ujymdyq immýnitet qalyptastyrý úshin 10-11 mln adam vaktsina alýy kerek.
Óz kezeginde QR DSM Qoǵamdyq densaýlyq saqtaý ulttyq ortalyǵynyń «Sanitariialyq-epidemiologiialyq saraptama jáne monitoring ǵylymi- praktikalyq ortalyǵy» filialy direktorynyń orynbasary Manar Smaǵul KVI-ge qarsy vaktsina balalar men júkti áielderge salynbaitynyn eske saldy.
«Ózderińiz bilesizder, Densaýlyq saqtaý ministrligi tarapynan biyl 10 mln adamǵa vaktsina salý boiynsha jospar jariialanǵan bolatyn. Eger biz vaktsinatsiialaýǵa jatatyn adamdardyń 80 paiyzyna ekpe salynsa, iaǵni 18-den asqan adamdar ekpe alsa, bul ońtaily deńgei KVI tserkýliatsiiasyn azaityp, qalypty ómir jaǵdaiyn oralýǵa múmkindik beredi», - dedi M. Smaǵul.
