Aqmola oblysynda óz úiinde erli-zaiyptylardyń denesi tabyldy, dep habarlaidy "Ult aqparat" oblystyq politsiia departamentiniń baspasóz qyzmetine silteme jasap.
Vedomstvonyń málimetinshe, 2021 jylǵy naýryzdyń 14-de Astrahan aýdandyq politsiia bólimine 32 jastaǵy er adam telefon arqyly habarlasyp, Jaltyr aýylynda turatyn ata-anasynyń kóz jumǵanyn aitty.
«Osy oqiǵa biylǵy jyldyń 14 naýryzynda Astrahan aýdanynyń politsiia bóliminiń aqparatty esepke alý kitabynda №211136030000290, sotqa deiingi tergeýdiń biryńǵai reestrinde №211136031000070 «adam ólimi» baby boiynsha tirkeldi», - dedi vedomstvodan.
Ulynyń aitýynsha, ata-anasy Jaltyr aýylyndaǵy úiinde ózderi ǵana turǵan. Sońǵy ret, uly olardy naýryzdyń 9-da ǵana kórgen. Keiin naýryzdyń 14-de ata-anasynyń úiine baryp, esik jabyq turǵan soń, terezeden ishke kiredi. Sol kezde úidiń ishinde ákesi men anasynyń jansyz denesin tabady.
«Aldyn ala anyqtalǵandai, qart adamdar iis tiip kóz jumǵan. Qazirgi kezde sot-meditsinalyq saraptama taǵaiyndalyp otyr», - dep tolyqtyrdy vedomstvodan.
