Qaraǵandy oblysy Jańaarqa aýdanynyń ákimdigi kirpishi tsementsiz qalanyp jatqan kópqabatty úige qatysty túsinik berdi, dep habarlaidy QazAqparat.
Jańaarqa aýdanynyń turǵyny jańadan salynyp jatqan kópqabatty úilerdiń qurylys alańyna baryp, video túsirgen. Ol qabyrǵasy turǵyzylǵan nysannyń ústine shyǵyp, kirpishter esh bekitilmesten, tsementsiz qalanyp jatqanyn kórsetedi. Qazir video áleýmettik jelide taralyp jatyr.
Aýdan basshylyǵy bul jaitqa qatysty túsinik berdi.
«Áleýmettik jelilerde jariialanǵan kópqabatty turǵyn úidiń qurylysyn tekserý boiynsha aýdan ákimdiginiń janynan arnaiy komissiia quryldy. Búgin, saǵat 10:00-de aýdan ákiminiń orynbasary Aiqyn Eleýsizov, qurylys bóliminiń basshysy Toqsan Babasov, aýdan prokýrorynyń kómekshisi Maqsat Baltashev, qoǵamdyq keńes múshesi Rabani Nurkeev, «Amanat» partiiasynyń hatshysy, aýdandyq depýtat Ómirzaq Ýaliev, sondai-aq aýdan turǵyny Almas Qairanbekov baryp tekserdi. Nysannyń basynda bas merdiger, tehnikalyq qadaǵalaý mamandary bolmaǵandyqtan, atalmysh mamandar shaqyrylyp, qosymsha kezdesý josparlandy.
Qurylys basynda júrgen jaýapty qurylys jetekshisine ázirshe qurylysty toqtatý týraly tapsyrma berildi», - dedi Jańaarqa aýdany ákimdiginiń baspasóz qyzmetinen.
