Bir aptada 170 myńǵa jýyq qazaqstandyq zeinetaqy jinaǵyn baspanaǵa jumsaý úshin bankke ótinish bergen. Bul jaiynda «Otbasy bank» AQ basqarma tóraǵasy Lázzat Ibragimova aitty, dep habarlaidy QazAqparat.
«Halyq únine qulaq asatyn memleket - rasynda bul shyndyq. Prezident Qasym-Jomart Toqaev Úkimetke zeinetaqy jinaqtarynyń jetkiliktilik shegin 2022 jyldyń 1 sáýirine deiin ulǵaitpaýdy tapsyrdy. Birinshi kezekte bul 200 myńǵa jýyq salymshyǵa ózderiniń birjolǵy zeinetaqy tólemin paidalaný boiynsha óz quqyqtaryn iske asyrýǵa múmkindik berdi. Sizderge 2 jeltoqsannan keiingi www.enpf-otbasy.kz platformasynda qabyldanǵan ótinishterdiń statistikasyn kórseteiin. Ol dataǵa deiin biz shtattyq rejimde jumys jasadyq jáne kún saiyn 2 myńnan 2,5 myńǵa deiin ótinish qabyldadyq» dep jazdy bank basshysy Facebook paraqshasynda.
Ótinishterdi qabyldaý statistikasy:
3 jeltoqsan-21 500
4 jeltoqsan-15 095
5 jeltoqsan-7 789
6 jeltoqsan-38 478
7 jeltoqsan-34 417
8 jeltoqsan-31 441
9 jeltoqsan saǵat 18:30 - 20 699 ótinish jáne keshke deiin taǵy qabyldanady.
Osylaisha, eńbekke qabiletti 170 myńǵa jýyq qazaqstandyq dál osylaisha bir aptanyń ishinde ótinish bergen.
«Eger eldegi otbasylyqtyń ortasha koeffitsient 3,8 bolsa, onda 640 myń otbasy múshesi ózderin ketip bara jatqan poiyzdyń sońǵy vagonyna sekirip minýge tyrysqandai sezindi. Al endi sizder tynysh ári qolaily rejimde, aqylǵa salynǵan sheshimder qabyldai alatyn múmkindikke ie boldyńyzdar. Ótinish berýshiniń qarajatty maqsatty paidalanýyn rastaýǵa arnalǵan 45 jumys kúni bar. Eger aqsha búgin tússe, jeltoqsandaǵy merekelerdi eskere otyryp, 20 aqpanǵa deiingi ýaqyt bar degen sóz. Bul jańalyq búginde kóptegen otbasylarǵa qýanysh syilady. Al jaǵymdy jańalyqtar qataryndaǵy ekinshi jańalyq - birjolǵy zeinetaqy tólemderin paidalaný qaǵidalaryna ózgerister qabyldaý protsesi jyldamdatylady. Indýstriia jáne infraqurylymdyq damý ministrligi buiryqty merziminen buryn jariialaýdy josparlap otyr. Bizdiń klientter úshin erejege engizilgen bul ózgerister jańa múmkindikter ashady. Biz óz klientimizdi jaqsy kóremiz jáne olardy qashan da qoldaýǵa daiynbyz. Biz BZT qarajaty esebinen depozitti toltyrý batyrmasyn 2021 jyldyń 16 jeltoqsanynda iske qosýǵa jáne tórt demalys kúni boiy arnaiy aǵymdaǵy shottar men depozitterdi ashýǵa daiynbyz, biraq osy kúnge olardy bári ashyp úlgergen siiaqty. Biz jerlesterimiz merekelik dastarhan basynda noýtbýkty ashyp nemese úi kompiýterinen júktep alyp, ózderiniń birjolǵy zeinetaqy tólemderin Otbasy banktegi depozitterine aýdara alatyndai tehnikalyq qoldaýdy qamtamasyz etýge daiynbyz. Tek bir ótinish, barlyǵyn www.enpf-otbasy.kz platformasynda onlain rejimde jasasańyzdar» deidi Lázzat Ibragimova.
Aita keteiik, aqparattyq qaýipsizdik maqsatynda platforma tek qazaqstandyq IP mekenjailarynan ǵana qoljetimdi jáne planshettik nemese statsionarlyq kompiýterlermen jumys isteýge eseptelgen.
«Eger siz bireýdiń platformaǵa kire almaǵandyǵy týraly ashýly postyn kórseńiz, bul avtordyń VPN arnalary arqyly túsiniksiz saittarǵa kirip, sonyń kesirinen endi platformaǵa kire almai otyrǵandyǵynyń belgisi ekenin túsinińizder. Ótinimderdi tez qaraý úshin filialdardyń qyzmetkerlerin qashyqtan qosýdy bastaimyz. Fotosýrette zeinetaqy qarajattarynyń máselesine múlde mán bermeitin bir soltústik óńirdegi filial beinelengen. Taǵy da bir ótinish, bank bólimshelerine barmaýlaryńyzdy suraimyz, sebebi beine qońyraý, mobildi qosymsha, onlain-servis degen dúnieler bar. Árine, osy jerde de barlyq suraqtaryńyzdy qoiyp, jaýaptaryn ala alasyzdar» dep túiindedi sózin «Otbasy bank» AQ basqarma tóraǵasy.
