Elimizde eski mólsherleme boiynsha ýtilizatsiialyq alym tólegenderge 250 mln teńgeden astam qarajat qaitaryldy, dep habarlaidy Ulysmedia.kz.
"Osy jyldyń 14 mamyrynan bastap Operator kólik quraldaryna eski mólsherlemeler boiynsha kádege jaratý tólemin tólegen azamattarǵa 250 mln teńgeden astam somany qaitardy", - delingen "Jasyl damý" AQ-nyń QazTag-qa jaýabynda.
Baspasóz qyzmeti málimdegendei, Ekologiialyq kodekske sáikes óndirýshilerdiń (importtaýshylardyń) keńeitilgen mindettemeleri operatorynyń ókilettikterine óndirýshilerdiń (importtaýshylardyń) keńeitilgen mindettemeleriniń operatory kádege jaratý tólemi engizilgen esepti kezeń úshin salyq zańnamasynda kózdelgen korporativtik tabys salyǵy boiynsha deklaratsiiany usynatyn merzimge deiin kúntizbelik otyz kúnnen keshiktirmei, artyq tólengen somalar rastalǵan jaǵdaida, óndirýshiler men importtaýshylardyń joldanymdary negizinde óndirýshilerdiń (importtaýshylardyń) keńeitilgen mindettemeleriniń operatory belgilegen tártippen júrgiziletin artyq tólengen somalardy qaitarý jáne (nemese) aldaǵy tólemderdiń esebine esepke jatqyzý jatady.
Avtokólik quraldary men ózdiginen júretin aýyl sharýashylyǵy tehnikasyn qaitarý jáne (nemese) esepke alý ótinish arqyly júzege asady. 14 mamyrdy qosa alǵanda berilgen kádege jaratý tólemin engizýge arnalǵan ótinish aldaǵy tólemderdiń esebin qaitarýǵa jáne (nemese) esepke jatqyzýǵa negiz bolmaq.
"Operator 2021 jyldyń 14 mamyrynan bastap berilgen kádege jaratý tólemin engizý ótinimderin qaitarý jáne (nemese) esepke jatqyzý rásimin oryndaý múmkindigi týraly habarlaidy", - dep naqtylady kompaniia.
Osyǵan deiin ǵalamtorda "Jasyl damýdyń" burynǵy mólsherleme boiynsha artyq tólegen tulǵalarǵa aqshany qaitarýǵa asyqpaityndyǵy jariialanǵan bolatyn. Bul qarajattyń jáne ony qaitarý rásiminiń bolmaýymen túsindirilgen.
Eske salaiyq, 11 qańtarda Qasym-Jomart Toqaev "ÓKM Operatory" JShS-in kádege jaratý alymyn júzege asyrýdaǵy monopoliialyq quqyǵynan aiyrýdy tapsyrdy. Prezident shet memleketterinde sekildi bul jumyspen memlekettik uiym ainalysýy tiis dep atap ótti. 2022 jyldyń 19 qańtarynda "ÓKM Operatory" kádege jaratý alymyn jinaý quqyǵynan aiyrylyp, onyń ókilettigi "Jasyl damý" aktsionerlik qoǵamyna berildi.
