Ótken jyly Ústirtte fototuzaqqa ilingen qabylanǵa «Taý sheri» degen esim berildi. Bul týraly QR AShM Orman sharýashylyǵy jáne janýarlar álemi komitetiniń baspasóz hatshysy Sáken Dildahmet Feisbýk paraqshasynda jazdy, dep habarlaidy QazAqparat.
«Dostar! Bizdiń qabylanǵa «Taý sheri» degen esim berildi. Ótken jyly Ústirt memlekettik tabiǵi qoryǵynyń qyzmetkerleri fototuzaqqa birinshi ret qabylandy túsirip alǵan bolatyn. Sol tusta qoryq qyzmetkerleri qabylandy zertteýdi bastaǵan. Ekspeditsiia qorytyndysy boiynsha mamandar mysyq tuqymdastardyń sirek kezdesetin túri - aldyńǵyaziialyq qabylannyń júrgenin rastady», - dep jazady Sáken Dildahmet.
Osyǵan bailanysty QR Aýyl sharýashylyǵy ministrligi Orman sharýashylyǵy jáne janýarlar dúniesi komiteti 12-16 jas aralyǵyndaǵy jáne 16 jastan asqan oqýshylar arasynda «Qabylanǵa esim ber» atty baiqaý jariialaǵan. Aqyry, baiqaý barysynda 70 sýret pen 80 usynys kelip túsken.
«Seksenge tarta usynystyń ishinde tóreshiler bir aýyzdan «Taý Sheri» degen atty tańdap aldy. Jeńimpaz - Shaiyr aýylynyń turǵyny Áliia Omarqyzy. Baiqaýdy ótkizýde bas demeýshi Qazaqstan bioártúrliligin saqtaý qaýymdastyǵy boldy», - deidi Sáken Dildahmet.
Eske sala keteiik, Ústirtte alǵash ret qabylan kózge túskenin buǵan deiin jazǵan bolatynbyz.
