Jetisý oblysy Qaratal aýdanyndaǵy Úshtóbe qalasynyń ortalyq kósheleriniń birindegi jóndeý jumysy 2018 jyldan beri aiaqtalmai tur, - dep habarlaidy Massaget.kz portaly.
Úshtóbe qalasyndaǵy Tóle bi kóshesiniń turǵyndary úshin kóliktiń buzylýy - basty másele. Sebebi, tozyǵy jetken joly jóndeý jumystary tórt jyldan beri aiaqtalmai tur.
"Bul kóshede jaiaý turmaq, kólikpen júrý qiyn. Ásirese jańbyrly aýa raiynda. Bul kósheniń osyndai kúide turǵanyn bári biledi. Sheship jatyrmyz dep ýáde beredi", - deidi jergilikti turǵyndar.
Kósheniń jóndeý jumystary josyqsyz merdigerdiń kesirinen keshiktirilgen. 2018 jyly ákimdik kompaniiamen 287 million teńgege kelisimshart jasasqanymen, merdiger jumysty aiaqtamaǵan.
"Tóle bi kóshesiniń boiyndaǵy tasjoldy kúrdeli jóndeý 2018 jyldyń 23 sáýirinde bastaldy. Merdiger - "Almaz-M" JShS. Kelisimshart somasy 287,1 million teńge, joldyń uzyndyǵy 1,9 shaqyrym. Alaida jóndeý jumystary tolyq aiaqtalmady. 2019 jyly qylmystyq is qozǵaldy, qazir sot protsesi júrip jatyr. Sot sheshimi jariialanǵannan keiin jobany retke keltirip, kósheni qaitadan kúrdeli jóndeýden ótkizý josparlanyp otyr", - dedi Qaratal aýdany ákimdiginiń mamany.
Jergilikti ákimshilik kóshe jobasy biyl aiaqtalyp, jóndeý jumystary 2023 jyldyń kókteminde qaita jalǵasatynyn aitty. Turǵyndar ákimdiktiń ýádelerine kúmán keltirip, quqyq qorǵaý organdarynan bul máselemen kúresýdi suraidy.
