Ushaq bortynda temeki tartqan qazaqstandyq 150 myń teńgeden astam aiyppul tóleýi múmkin. Bul týraly Kóliktegi politsiia departamenti baspasóz qyzmetinen málim boldy, dep habarlaidy "Ult aqparat".
«Aqtóbe qalasy áýejaiynda politsiianyń jelilik bóliminiń qyzmetkerleri 19 jastaǵy Qazaqstan azamatyn ustady. Jas jigit «Almaty-Aqtóbe» baǵdaryndaǵy áýe reisinde temeki tartqan. Sonymen qatar ol ushaqtaǵy talaptardy saqtamaǵan, iaǵni ushaq komandiri men ekipaj músheleriniń nusqaýlaryn oryndamai, balaǵat sóz aitqan. Osy arqyly ol qoǵamdyq tártipti buzǵan», - delingen departament málimetinde.
Ushaqtaǵy tártipti buzǵan jigitke qatysty ákimshilik úsh hattama toltyryldy. Osy oraida áýe kemesi bortynda temeki tartý, ushaqtaǵy tártipti buzý jáne usaq buzaqylyq aiyptary taǵylyp, 53 AEK kóleminde ákimshilik aiyppul salyndy. Usaq buzaqylyq boiynsha material sotqa jiberildi.
