Ushaq apatynan jaraqat alǵan áiel aldaǵy bir-eki kúnde jansaqtaý bóliminen palataǵa aýystyrylady. Bul týraly Almaty qalalyq qoǵamdyq densaýlyq saqtaý basqarmasy bastyǵynyń mindetin atqarýshy Tileýhan Ábildaev aitty, dep habarlaidy "Ult aqparat".
Áýe apatynan zardap shekkenderdiń ishinde jansaqtaý bóliminde bir adam jatyr. Ol - Nur-Sultan qalasyndaǵy travmatologiia jáne ortopediia ǵylymi-zertteý institýtynda.
«Jansaqtaý bóliminde jatqan áieldiń jaǵdaiy turaqty. Ol bizdiń áriptesimiz, dáriger. Onyń iyq súiegi birneshe jerden synǵan. Sondyqtan oǵan eki ret operatsiia jasaldy. Qazir onyń jaǵdaiy alańdaýshylyq týǵyzbaidy», - dedi Tileýhan Ábildaev.
Eske sala keteiik, 2019 jyldyń 27 jeltoqsanynda Almatydan Nur-Sultan qalasyna ushyp shyqqan 93 jolaýshy jáne 5 ekipaj múshesi mingen ushaq apatqa ushyraǵan bolatyn. 12 adam qaza tapty.
