Almatydaǵy №4 qalalyq klinikalyq aýrýhanasynyń jansaqtaý bóliminiń meńgerýshisi Jandos Dáýletbekov áýe apatynda jaraqat alǵan UQK qyzmetkerleriniń jaǵdaiy týraly aitty, dep habarlaidy "Ult aqparat".
Dárigerdiń aitýynsha, ázirge eshqandai ózgeris joq.
«13 naýryzda bolǵan áýe apatynan zardap shekken eki adam №4 qalalyq klinikalyq aýrýhanaǵa saǵat 18:05-te óte aýyr jaǵdaida tústi. Ekeýiniń jaǵdaiyna qatysty aýrýhanalar men vedomstvolyq meditsinalyq qyzmet mamandarynan turatyn qalalyq konsiliým ótti. Zardap shekkenderdi emdep jatyrmyz, biraq jaǵdailary óte aýyr», - dedi Jandos Dáýletbekov.
Eske sala keteiik, búgin Nur-Sultan-Almaty baǵytynda kele jatqan AN-26 áskeri ushaǵy 17.22 kezinde radardan joǵalyp, qala áýejaiy mańynda apatqa ushyraǵan edi.
Ushaqta bolǵan 4 adam qaza tapty. 2 adam túrli jaraqatpen Almaty qalasynyń №4 qalalyq klinikalyq aýrýhanasyna jetkizildi.
Ushaq apaty bolǵan jerge qala ákimi Baqytjan Saǵyntaev baryp, zardap shekkenderge barynsha kómek kórsetýdi tapsyrdy.
Sonymen qatar, Memleket basshysy áýe apatynyń sebepterin anyqtaýdy tapsyrǵan bolatyn.
Qazaqstan Respýblikasy Ulttyq qaýipsizdik komiteti Almatyda apatqa ushyraǵan ushaqtyń qara jáshigindegi derekter tekserilip jatqandyǵyn málim etti.
