video kadry
Ózin úsh jigit zorlaǵanyn aitqan Almaty turǵyny oqiǵanyń mán-jaiyn aityp berdi, - dep habarlaidy Tengrinews.kz portaly "Astana" telearnasyna silteme jasap.
Jábirlenýshiniń sózinshe, ol ǵalamtor arqyly jas jigitpen tanysyp, dostyq qarym-qatynas ornatqan. Bir aidan keiin jańa tanysy úiine kompiýterlik oiyn oinaýǵa shaqyrǵan. Biraq belgilengen jerde ol jalǵyz emes, dostarymen kútip otyrǵan. Jábirlenýshi kelgen sátte úsh jigit uryp, pyshaqpen qorqytyp, zorlaǵan.
"Urdy, qorqytty, zorlady. Men olardyń barlyǵyna fizikalyq turǵyda qarsy tura almadym. Meni qorqynysh jeńip, óz ómirim úshin qorqyp, olardyń suraǵanynyń bárin oryndadym", - deidi 30 jastaǵy Ádil.
Buzaqylyq úsh saǵattan astam ýaqytqa sozylǵan. Jastar bolǵan jaǵdaidy videoǵa túsirip alǵan. Keiin video úshin jarty million teńge talap etken. Ádildiń kartasynda ondai aqsha bolmaǵan. 100 myń teńge berip qutylǵan.
"Olar meni páterden shyǵarǵanda qaida bara jatyrmyn, ne úshin baramyn, ne isteý kerek ekenin túsinbedim. Óz-ózime qol jumsaimyn ba degen oilar da boldy", - dep eske alady jábirlenýshi.
Ádil bul úsh jigit osylai nápaqa taýyp júr nemese bireý arnaiy tapsyrys bergen dep boljap otyr.
