Qazaqstanda el aýmaǵyndaǵy kiikter sanyn anyqtaý úshin áýeden esep júrgizý jumystary jalǵasýda. Bul týraly Ekologiia, geologiia jáne tabiǵi resýrstar ministrliginen málim etti, dep habarlaidy "Ult aqparat".
«Esterińizge sala keteiik, 2020 jyly karantindik shekteýlerge bailanysty áýe esebi júrgizilmei qalǵan bolatyn.
Áýeden esepti «Ohotzooprom» RMQK qyzmetkerleri, orman sharýashylyǵy jáne janýarlar dúniesi komitetiniń oblystyq aýmaqtyq inspektsiiasy jáne Qazaqstandaǵy bioalýantúrlilikti saqtaý qaýymdastyǵynyń ǵylymi mamandary birlesip júrgizýde», - dedi ministrlikten.
Málim etilgendei, kiik esebine Ohotzooprom inspektorlarynyń eki toby jumyldyrylǵan. Olardyń birinshisi – Betpaqdala popýliatsiiasyna, ekinshisi – Oral jáne Ústirt popýliatsiialaryna sanaq júrgizedi. Osy maqsatta tikushaqpen 200-ge jýyq ushý saǵatyn oryndaý josparlanǵan.
«2019 jyly júrgizilgen esepke alý jumystaryna sáikes Qazaqstandaǵy kiikterdiń sany 334 400 basty qurady.
Osy kezeńde aqbókenderdiń áýe esebi Batys Qazaqstan, Aqtóbe jáne Mańǵystaý oblystarynda (Oral jáne Ústirt taralymy) aiaqtaldy jáne Betpaqdala popýliatsiiasyn esepke alý boiynsha Qaraǵandy, Aqmola oblystarynyń aýmaqtarynda jalǵasýda.
Kiikterdiń áýe esebin 2021 jyldyń 5 mamyryna deiin aiaqtaý josparlanýda», - dep qosty vedomstvodan.
