Vaktsina pasportyn jasatyp paidalanǵan azamattardyń ústinen 4 qylmystyq is qozǵalyp, sotqa joldanǵan, dep habarlaidy QazAqparat.
Ortalyq kommýnikatsiialar qyzmetinde ótken brifingide Ishki ister ministriniń orynbasary Arystanǵani Zapparov osyndai derekter keltirdi.
«Jalǵan qujat qoldanǵany úshin Qylmystyq kodekstiń 385-babynyń 3-bóligi boiynsha 40 táýlikke deiin qamaý jazasy qarastyrylǵan. Biraq naqty jazany sot taǵaiyndaidy. Vaktsina pasportyn qoldaný boiynsha eseptik kezeńde 4 qylmystyq is sotqa joldandy. Sot olardy kináli dep taýyp, aiyppul taǵaiyndady. Bul Qaraǵandy, Qostanai jáne Pavlodar oblysynda tirkeldi», - degen ministrdiń orynbasary vaktsina pasporty men PTR test qorytyndysyn qoldan jasaýdyń jazasy budan áldeqaida aýyr ekenin eskertti.
«Qoldan qujat jasaǵany úshin Qylmystyq kodekstiń 385-babynyń 2 bóligi boiynsha 4 jylǵa deiin bas bostandyǵynan aiyrý jazasy kózdelgen. Búginde ishki ister organdary 86 qylmystyq is tirkedi. Onyń 47-si vaktsina pasportyn jasaý boiynsha, 39-y PTR-testin qoldaý jasaý boiynsha qozǵalǵan», - dedi Arystanǵani Zapparov.
