Úsh myńnan astam eriktige QazCovid-in vaktsinasy salyndy. Bul týraly QR DSM Meditsinalyq jáne farmatsevtikalyq baqylaý komiteti tóraǵasynyń orynbasary Nurlybek Asylbekov aityp berdi, dep habarlaidy "Ult aqparat".
«Qazaqstandyq QazCOVID-in vaktsinasynyń klinikalyq zertteýleri boiynsha birinshi jáne ekinshi faza júrip jatyr. Jaqsy nátije kórsetken aralyq qorytyndylar da kórsetildi. Úshinshi kezeń boiynsha 25 jeltoqsanda klinikalyq zertteý bastaldy. 11 qańtarda 3 myń eriktiniń barlyǵyna vaktsina salyndy. Qazir olar zertteýshilerdiń turaqty baqylaýynda. Ázirge basqa derek joq. Jaqynda sońǵy eriktilerdi vaktsinatsiialaý aiaqtaldy», - dedi Asylbekov Ortalyq kommýnikatsiialar qyzmetinde ótken brifingte.
Sonymen birge, spiker koronavirýsqa qarsy reseilik vaktsina boiynsha jumystardy baiandady. Aqpan aiynyń sońyna qarai vaktsinalar partiiasy qoljetimdi bolýy múmkin.
«Spýtnik V» boiynsha tájiribelik partiia ázirlendi. Bul partiia tehnologiialyq protseske sáikes, Reseidegi Gamaleia institýtynyń baqylaýyna jiberildi. Baqylaý áli júrip jatyr. Onyń baqylaýy men sapasyna ruqsat beretin normativtik qujattarǵa sáikes, bir ai júrgiziledi. Búgingi kúnge deiin nátijeleri áli kelgen joq. Vaktsinatsiialaý múmkindigi boiynsha, eger oń nátije baiqalsa, Qaraǵandy farmatsevtikalyq kesheni shyǵarady. Aqpan aiynyń sońynda vaktsinalaýǵa arnalǵan vaktsinalar partiiasy bolady dep úmittenemiz», - dedi Nurlybek Asylbekov.
