10 mamyrda Ortalyq kommýnikatsiialar alańynda baspasóz, radio jáne internet-jýrnalistika salasyndaǵy «Úrker» ulttyq syilyǵyna arnalǵan brifing ótti.
Brifingke Qazaqstan Respýblikasy Aqparat jáne kommýnikatsiialar vitse-ministri N.O. Maýberlinova, «Qazcontent» AQ tóraǵasy E.D. Kochetov, «Qazcontent» AQ tóraǵasynyń orynbasary D.B. Áljanov, «Atameken» Qazaqstan Respýblikasynyń Ulttyq kásipkerler palatasy Prezidiýmy janyndaǵy Bilim berý júiesindegi aqparattyq-kommýnikatsiialyq tehnologiialar komitetiniń tóraǵasy M. Ábenov jáne jýrnalist M.Esen qatysty.
Jiyn barysynda Nurgúl Maýberlinova ótinishterdi qabyldaý erejesi men baiqaýǵa kelip túsken shyǵarmashylyq jumystar qalai irikteletinin aitty. Osy jyly baiqaý 12 nominatsiia boiynsha ótedi jáne taǵy bir ekperimenttik nominatsiia qosylyp otyr.
«Nominatsiialar týraly kóp oilandyq. Eń úzdik blogreler men vainerlerdi sondai-aq eń tanymal pablik pen jyl haipyn anyqtasaq degen oi bar. Ádil bolsyn degen nietpen oqyrmandar ózderi tańdasyn degen sheshimge keldik. Sol sebepti qosymsha qandai nominatsiia bolatynyn daýys berý arqyly anyqtamaqpyz. Munyń eshqandai qiyndyǵy joq, tek el.kz saityna kirip, qai nominatsiiany qoldaitynyńyzdy daýys berý arqyly tańdai alasyz», - dedi Evgenii Kochetov.
Ulttyq «Úrker» baiqaýyna qatysý úshin el.kz. saityna tómendegi nominatsiialar boiynsha ótinishter jibere alasyzdar:
- Úzdik fotosýret;
- Úzdik reportaj;
- Úzdik saraptamalyq material;
- Úzdik jýrnalistik zertteý;
- Úzdik suhbat;
- Qazaqstan týraly úzdik tanymdyq material;
- Úzdik halyqaralyq taldamaly material;
- Úzdik óńirlik radiostansa;
- Úzdik óńirlik merzimdi basylym;
- Úzdik Qazaqstandyq radiostantsiia
- Úzdik internet-basylym
- Úzdik respýblikalyq merzimdi basylym
Qazylar alqasy quramyna tanymal qoǵam qairatkerleri men shyǵarmashylyq intelligentsiia ókilderi, jýrnalistika salasynyń maitalman mamandary kiredi. Baiqaýdyń laýreaty atanǵan jýrnalisterge estelik músin men qarjylai júldeler tabystalady. Árbir jeńimpaz 1 000 000 teńge kóleminde aqshalai syilyq pen dástúrli estelik músinge ie bolady.
Baspasóz, radio jáne internet-jýrnalistika salasyndaǵy «Úrker» ulttyq syilyǵy byltyr alǵash ret QR Aqparat jáne kommýnikatsiialar ministrliginiń bastamasymen ótken bolatyn. Ulttyq syilyqty uiymdastyrýshy «Qazcontent» AQ.
Ulttyq premiia baspasóz, radio jáne internet-jýrnalistika salasyndaǵy úzdik jetistigi úshin beriledi, bul marapat óńirlerde mýltimedialyq jýrnalistikany damytýǵa, jýrnalisterdiń bedelin arttyrýǵa, jýrnalistikany nasihattan ereksheleitin kásibi standarttar men talaptardy bekitýge, sondai-aq qoǵamnyń azamattyq belsendiligin arttyrýǵa baǵyttalǵan.
Syilyqtyń negizgi maqsaty – talantty jýrnalister men úzdik shyǵarmashylyq ujymdardy anyqtaý, olardyń kásibi jýrnalistikany damytýǵa qosqan úlesterin saralaý jáne shyǵarmashylyq adamdarynyń eleýli eńbegine qoǵam nazaryn aýdarý.
Baiqaýǵa shyǵarmashylyq jumystary 2017 jyly jariialanǵan baspasóz redaktsiialary men internet-BAQ ókilderi sondai-aq radiostantsiialardyń jýrnalisteri qatysa alady.
