Ýniversiada arqasynda megapolistiń Alataý aýdany ary qarai damýǵa múmkindik alyp otyr. 8 jyl ishinde osy aýdanǵa quiylǵan investitsiia kólemi 32 esege artqan. Osyǵan deiin qalanyń shyraisyz sheti sanalyp kelgen Alataý aýdany búginderi qala qonaqtary men turǵyndaryn ózine tartyp otyrǵan jańa ortalyqqa ainalyp otyr. Osynda Ýniversiada bas nysandary - «Almaty Arena» jáne Atletter aýyly ornalasqan. «Almaty Arenaǵa» qolsozym jerde 15,6 myń páterlik shaǵyn aýdan, sonyń ishinde, «Eski úiler» baǵdarlamasy boiynsha 9 qabatty eki úi boi kótergen. Aldaǵy 3 jylda taǵy 16 myń páterden turatyn 279 úi salynbaq.
Qysqy oiyndar ótkizilgen soń, tolyqqandy áleýmettik infraqurylymy bar Atletter aýyly 1,7 myńnan asa otbasy úshin jaily baspanaǵa ainalady. Atletter aýylynyń 1748 páteri ary qarai satyp alý múmkindigimen jaldaýǵa beriledi, osylaisha alǵashqy 8 jyl ishinde 15,5 mlrd teńge mólsherinde investitsiialardyń 40%-y qaitarylmaq. Bul Almatydaǵy baspanaǵa kezekti 10%-ǵa azaitýy tiis.
Jańa turǵyn úi kesheninde emhana, sýpermarket, bank bólimsheleri men pochta, politsiia beketi qyzmet jasaityn bolady.
Ýniversiada nysandary ainalasynda jańa mádeni ortalyq qalyptasýda. Qalamyzdyń mádeni jáne sáýlettik kórnekti oryndarynyń birine ainalatyn 7000 adamdy syidyra alatyn meshit salynady dep josparlanyp otyr. Bolashaq turǵyndar men qala qonaqtary úshin qazaq taǵamdaryn daiyndaityn meiramhana, ulttyq aspaptar mýltimedialyq murajaiy, «Alataý» dástúrli óner teatry, qolónershilerdiń kádesyilaryn satý ortalyǵy óz jumystaryn jalǵastyrady. Atletter aýylynda 100-ge jýyq qolóner sheberine arnap ortalyq qurylady. Oiyndar aiaqtalǵan soń, Alataý aýdanynyń kásiporyndary zamanaýi jaily keńselerge jaiǵasýǵa múmkindik alady. Keńselerdi jaldaý quny qala ishindegi baǵadan 2 esege arzanyraq bolmaq.
"Ult aqparat"
