Búgin Almatyda XXVIII Búkilálemdik Ýniversiada bastalady. Alǵashqy saiys hokkeishiler arasynda ótedi, dep habarlaidy «QazAqparat».
28 qańtar kúni Ulybritaniia, Qazaqstan, Kanada, Qytai, Slovakiia, Latviia men Japoniianyń hokkeishileri medalǵa talasady.
Erler komandasy Halyq Arenada, al áielder - Balýan Sholaq atyndaǵy Sport saraiynda baq synaidy.
Shaibaly hokkei - erler
12:30 - Slovakiia - Ulybritaniia, toptyq kezeń.
16:00 - Japoniia - Latviia, toptyq kezeń.
19:30 - Qazaqstan - Qytai, toptyq kezeń.
Shaibaly hokkei - áielder
16:30 - Kanada - Qytai, toptyq kezeń.
20:00 - Qazaqstan - Ulybritaniia, toptyq kezeń.
Aita keteiik, «Halyq Arenadaǵy» bilettiń quny 500-700 teńgeni, al Balýan Sholaq atyndaǵy Sport saraiynda bilettiń baǵasy - 300-500 teńgeni quraidy. Qysqy Ýniversiada aiasynda alǵashqy hokkei jarysy 1962 jyly Vilar qalasynda (Shveitsariia) ótken. Saiysqa 4 erler komandasy qatysqan. 2009 jyly Harbinde ótken 25-shi Qysqy Ýniversiada kezinde is-shara baǵdarlamasyna 6 elden qatysqan áielder komandasy qosyldy.
Almatyda ótetin 28-shi Búkilálemdik Ýniversiadanyń ashylý saltanaty erteń - 29 qańtar kúni ótedi.
