Úndistanda Twitter áleýmettik jelisin ottegi ballonyn izdeý úshin paidalanǵan er adamǵa aiyp taǵyldy, - dep habarlaidy Tengrinews Zeenews India portalyna silteme jasap.
Shashank Iadav esimdi er adam Twitter áleýmettik jelisine ottegi ballony qajettigi týraly shaǵyn habarlama jariialap, jazbaǵa Bollivýd akteri Soný Sýdty belgilegen.
Jazba jariialanǵannan keiin Ýttar-Pradesh politsiiasy er adamdy jergilikti turǵyndar arasynda qorqynysh nemese úrei týdyrý nietimen ottegi jetispeýshiligi týraly qaýeset taratty dep aiyptaǵan. Iadav qal ústinde jatqan atasyna ottegi ballonyn izdegenin túsindirse de, quqyq qorǵaý organdary oǵan qarsy qylmystyq is qozǵaǵan.
"Shashank Iadav jalǵan aqparat taratqany úshin jaýapqa tartyldy", - dedi politsiianyń aǵa ofitseri Arpit Kapýr.
