Qazaqstan Úndistanda qalyp qoiǵan 76 azamatty qaitarý máselesin qarastyryp jatyr. Bul týraly QR Aqparat jáne qoǵamdyq damý ministri Dáýren Abaev aityp berdi, dep habarlaidy "Ult aqparat".
«Úndistanda qalyp qoiǵan 76 qazaqstandyqty qaitarý múmkin be?» degen suraq tústi. Belgili bolǵandai, Úndistan 15 sáýirge deiin barlyq shekarasyn jaýyp, áýe, jerústi jáne sýdaǵy kólikterdiń tasymalyna tyiym saldy. Sondyqtan, olardy qaitarý joldary men datasy qarastyrylyp jatyr», - dedi ministr «Habar 24» telearnasynyń tikelei efirinde.
Aita keteiik, koronavirýs infektsiiasymen Nur-Sultan qalasy boiynsha 60 adam, Almaty qalasynda – 48 adam, Qaraǵandy qalasynda - 4, Jambyl oblysynda -3 adam, Atyraý oblysy - 3 adam, Shymkent qalasynda - 2 adam, Almaty oblysynda - 1 adam, Aqtóbe oblysynda - 1 adam, Soltústik Qazaqstan oblysynda - 1 adam, Aqmola oblysynda - 1 adam, Pavlodar oblysynda - 1 adam, jalpy 125 naýqas tirkeldi.
