Semei qalasyndaǵy Meditsina ýniversitetin támamdaǵan sheteldik stýdentterdiń diplomy óz elderine barǵan kezde jumysqa ornalasýǵa jaramsyz bolyp shyqqan, dep habarlaidy "Ult aqparat" Altainiýs saityna silteme jasap.
«Semei Memlekettik meditsina ýniversitetinde bilim alyp, otandaryna oralǵan úndistandyq jastar jumysqa ornalasa almaýda. Sebebi, joǵary oqý ornyn támamdaǵan 79 túlektiń diplomdaǵy aty-jónderi durys jazylmaǵan. Iaǵni, bildei bir ýniversitet qarapaiym orfografiialyq qatelikke jol berip otyr. Osyǵan qairan qalǵan aimaq basshysy Danial Ahmetov atalmysh ýniversitet rektory Ersin Júnisovke sógis jariialady», - dep jazady Altainiýs.
«Ýniversitet qyzmetkerleriniń jaýapsyzdyǵynan sheteldik jastar sharasyz kúige túsip otyr. Endi olardyń ne isteitinin ańdyp otyrýdyń qajeti joq. Dereý iske kóship, olqylyqtyń ornyn toltyryńdar. Qajet bolsa, túlekterdi qaita shaqyryp alyp, diplomdaryn túzetip, qoldaryna berińder», – dedi Danial Ahmetov «Nur Otan» partiiasy filialy Saiasi keńesi biýrosynyń otyrysynda.
