سەمەي قالاسىنداعى مەديتسينا ۋنيۆەرسيتەتٸن تەمامداعان شەتەلدٸك ستۋدەنتتەردٸڭ ديپلومى ٶز ەلدەرٸنە بارعان كەزدە جۇمىسقا ورنالاسۋعا جارامسىز بولىپ شىققان, دەپ حابارلايدى "ۇلت اقپارات" التاينيۋس سايتىنا سٸلتەمە جاساپ.
«سەمەي مەملەكەتتٸك مەديتسينا ۋنيۆەرسيتەتٸندە بٸلٸم الىپ, وتاندارىنا ورالعان ٷندٸستاندىق جاستار جۇمىسقا ورنالاسا الماۋدا. سەبەبٸ, جوعارى وقۋ ورنىن تەمامداعان 79 تٷلەكتٸڭ ديپلومداعى اتى-جٶندەرٸ دۇرىس جازىلماعان. ياعني, بٸلدەي بٸر ۋنيۆەرسيتەت قاراپايىم ورفوگرافييالىق قاتەلٸككە جول بەرٸپ وتىر. وسىعان قايران قالعان ايماق باسشىسى دانيال احمەتوۆ اتالمىش ۋنيۆەرسيتەت رەكتورى ەرسٸن جٷنٸسوۆكە سٶگٸس جارييالادى», - دەپ جازادى التاينيۋس.
«ۋنيۆەرسيتەت قىزمەتكەرلەرٸنٸڭ جاۋاپسىزدىعىنان شەتەلدٸك جاستار شاراسىز كٷيگە تٷسٸپ وتىر. ەندٸ ولاردىڭ نە ٸستەيتٸنٸن اڭدىپ وتىرۋدىڭ قاجەتٸ جوق. دەرەۋ ٸسكە كٶشٸپ, ولقىلىقتىڭ ورنىن تولتىرىڭدار. قاجەت بولسا, تٷلەكتەردٸ قايتا شاقىرىپ الىپ, ديپلومدارىن تٷزەتٸپ, قولدارىنا بەرٸڭدەر», – دەدٸ دانيال احمەتوۆ «Nur Otan» پارتيياسى فيليالى ساياسي كەڭەسٸ بيۋروسىنىڭ وتىرىسىندا.
