72 jastaǵy sheber-restavrator Sársenbai Qotyrashov Ulytaýdan Pavlodarǵa jaiaý júrip jetti. Qart saiahatshy osymen Qazaqstannyń 9-shy oblysyna jaiaý keldi, dep habarlaidy QazAqparat Pavlodarnews.kz-ke silteme jasap.
«Bul saparǵa shyǵýymnyń basty úsh maqsaty bar. Birinshiden, týǵan jerim Ulytaýdyń mádeni-tarihi murasyn nasihattaimyn. Ekinshiden, qymyzdyń paidaly qasietterine jurtshylyqtyń nazaryn aýdarǵym keledi. Onyń ústine IýNESKO-men kelisimim bar. Qazaqstandy aralap, myńnan astam qolónershiler týraly málimet jinasam, olar jeke saitqa enip, sol arqyly dúniejúzine tanymal bolady», – dedi Qotyrashov.
Ulytaýdan kelgen aqsaqal naýryz aiynyń sońynan beri jol júrip keledi. Osy ýaqyt ishinde ol bes jup aiaq kiimdi tozdyryp úlgergen. Biraq ol jaiaý júrginshiler jolyna «bir tiyn» jumsamaǵanyna riza.
Qai óńirge kelse de, jurt ony qushaq jaia qarsy alyp, tamaqtandyryp, tegin túnetip jatyr.
«Qazaqstandyqtar óte qonaqjai, jyly qarsy alǵandaryńyzǵa rahmet», - dedi saiahatshy.
Sársenbai Qotyrashovpen birge depýtat Baqtiiar Qojahmetov erip júr.
«Saparyn aiaqtaǵan soń Sársenbai Elbasynyń qabyldaýyna baryp, qymyzdyń emdik qasietin jeke mysalmen kórsetýdi, sonymen qatar Qymyz kúnin resmi mereke retinde belgileýdi usynbaq», - dedi Qojahmetov.
