Foto: Facebook/Turlykhanov Daulet
Tanymal qazaqstandyq palýan, grek-rim kúresinen Olimpiadanyń eki dúrkin júldegeri Dáýlet Turlyhanov áleýmettik jelide daý týdyrǵan ulynyń áreketi úshin keshirim surady.
Sportshy bul jaǵdaiǵa qatysty Instagram-paraqshasynda jazba qaldyrdy.
"Aqpannyń 11-ne qaraǵan túni Almatyda meniń ulym men zańgerlerdiń arasynda bolǵan oqiǵaǵa qatysty pikir bildirýdi jón dep taptym. Meniń ulym Nurasyl kámelet jasyna tolǵan, eger onyń kinási dáleldense, oǵan Qazaqstan Respýblikasynyń zańdaryna sáikes tiisti shara qoldanylady. Sonymen birge, men ulymnyń áreketi úshin keshirim suraimyn", - dep jazdy ol.
Eske salaiyq, buǵan deiin Almatyda áskeri qyzmetker belgili zańgerdi soqqyǵa jyqqany habarlanǵan bolatyn.
Almaty PD bul derek QR Qylmystyq kodekstiń 293-baby "Buzaqylyq" boiynsha sotaldy tergeýdiń biryńǵai tizilimine tirkelgenin habarlady. Qylmystyq is boiynsha alǵashqy tergeý áreketteri júrgizilip, saraptamalar taǵaiyndalǵan.
Kúdikti áskeri adam bolǵandyqtan, qazir is materialdary sottylyǵyn anyqtaý úshin qalalyq Prokýratýraǵa jiberilgen.
