Osy aptanyń basynda kóshkinnen keiin jumysshylar Ulybritaniiadaǵy temirjoldy jóndeý jumystary kezinde 14-shi ǵasyrda adamdar paidalanǵan úńgir men sýretter tapty, dep habarlaidy CNN.
Ulybritaniiadaǵy temirjol infraqurylymynyń iesi jáne operatory NetworkRail kompaniiasynyń málimetinshe, jumysshylar úńgirdi Angliianyń Sýrrei grafyndaǵy Gillford qalasy mańyndaǵy joldy jóndep jatqan kezde tapqan.
Boljam boiynsha, úńgir orta ǵasyrlarda Áýlie Ekaterina shirkeýimen bailanysty dini oryn nemese shirkeý retinde qoldanylǵan. 14 ǵasyrdyń basyndaǵy shirkeýdiń úiindileri temir jol mańyndaǵy tóbede ornalasqan. Carapshylardyń aitýynsha, úńgir áldeqaida úlken bolýy múmkin, onyń shaǵyn bóligi ǵana saqtalǵan. Tabylǵan sýretterde núktelermen bezendirilgen gotikalyq teksheler jáne búiirinde hristian krest beinesi salynǵan.
Sarapshylar 7-8 tekshe, sondai-aq eki tostaǵan synyǵyn tapty. Olar úńgirdiń naqty kezeńin anyqtaý úshin radiokómirtekti zertteý júrgizedi. Úńgirden tabylǵan aǵash kómir men qoqysty da zertteýge qoldanýy múmkin.
Bul – Ulybritaniia temir joldy salý nemese jóndeý kezinde ashylǵan birneshe jańalyqtyń biri.
Naýryz aiynda Birmingem Kerzon-strit stansasynan eń eski temir jol aiyryǵy tabyldy. 2014 jyly London kópirinde birneshe tarihi artefakti tabylǵan bolatyn.
