Ulybritaniiada erekshe gen kombinatsiiasy bar koronavirýstyń jańa "úsh ese mýtatsiiasy" tabyldy, - dep habarlaidy Daily Mail.
Iorkshirdegi virýsolog mamandar koronavirýstyń jańa túrine VUI-21MAY-01 nemese AV.1 dep atalatyn genderdiń erekshe kombinatsiiasy tán ekenin aitty.
Búginde elde jańa shtamdy juqtyrǵan 49 jaǵdai anyqtalǵan. Olar negizinen Iorkshir men Hamberde. Biraq onyń virýstyń basqa túrlerine qaraǵanda tez taraityny nemese vaktsinalarǵa immýniteti týraly eshqandai dálel joq. Angliianyń Qoǵamdyq densaýlyq saqtaý qyzmeti qazirgi ýaqytta jańa mýtatsiianyń taralýyn zerttep jatyr.
Ǵalymdardyń aitýynsha, virýstyń taralýyn ólsheitin R kórsetkishi qazir 0,9-dan 1,1-ge deiin kóterilgen. Ótken aptada ol 0,8 bolǵan. Ulybritaniia biligi koronavirýs infektsiiasynyń kez kelgen mýtatsiiasynyń taralýyn boldyrmaýǵa kómektesetin qatań sharalar qabyldaýǵa daiyn ekenin málimdedi.
Sheffildtegi Qoǵamdyq densaýlyq saqtaý direktory Greg Fell VUI-21MAY-01-di áriptesterimen birge baqylap otyrǵanyn, sondai-aq shtamnyń taralý jyldamdyǵy týraly málimet joq ekenin aitty.
Aita keteiik, Ulybritaniiada pandemiia kezinde SOVID-19-dyń birneshe nusqasy anyqtalǵan. B. 1.1.7 dep atalatyn "ulybritaniialyq" shtamm byltyr tabyldy. Koronavirýstyń bul shtamy burynǵyǵa qaraǵanda 64 paiyzǵa qaýipti ekeni aitylǵan bolatyn.
