Ulybritaniia elshisi Kerolin Braýn Qazaqstandaǵy qyzmetin aiaqtady, - dep habarlaidy "Ult aqparat". Ol elshiliktiń Facebook jelisindegi resmi paraqshasynda videoúndeý joldap, Qazaqstanda ótken bes jylda alǵan áserimen bólisti.
Ulybritaniianyń Qazaqstandaǵy elshisi retinde júrgizgen videoblogymnyń bul ekinshisi. Bul úndeý Qazaqstanǵa qatysty meniń jeke estelikterime arnalady. Bul bir tamasha ótken bes jyl boldy. Sizderdiń baitaq ári san alýan elderińizdegi adamdar men ǵajaiyp jerler esimde qaldy. Mysaly, "Altynemel" Ulttyq saiabaǵynyń qaq ortasynda, túnde otyryp, "Besshatyr" qorǵandarynyń kóleńkesine qulaǵan juldyzdardy baqylap otyrǵanym áli esimde. Nemese Qaraqalpaqstanǵa poiyzben Atyraý arqyly sapar shekkenim esimnen ketpeidi. Ústirt shoqysynyń ortasynda qar qursaýynda, bailanyssyz qalǵanymyz. Bul óte kóńildi jait boldy", - dedi Braýn.
Sonymen qatar, elshi Kreshenie kezinde muzdy sýǵa qalai túskenin eske aldy.
"Orystardyń pravoslavielik Kresheniesi jáne meniń muzdy sýǵa úsh márte batqanym. Qudaiym-ai, men muny eshqashan qaitalamaimyn. Árine, sondai-aq, jylda búrkitshilermen birge atqa minip serýendeý zor rahatqa bóleitin. Birinshi rette men qulap tústim, sýyqta alty saǵattan keiin ertoqymǵa jabysyp qalǵandai boldym jáne kelesi joly jyly kiineiin dep sheshtim. Bul óte keremet tájiribe boldy. Kelesi elshige bul jerdiń unaitynyna senimdimin. Qazaqstandaǵy barsha jurtqa tamasha Jańa jyl tileimin!", - dep quttyqtady ol.
