Elimizdegi irgeli «Dinamo» dene shynyqtyrý jáne sport qoǵamy «Rýhani jańǵyrý» baǵdarlamasy jáne Jastar jyly aiasynda balalar, jasóspirimder men jastar arasynda «Uly dala saqshylary» jobasyn iske asyrýdy bastady. Igi bastama Almaty qalalyq Politsiia departamenti, quqyq qorǵaý organdary, kúshtik jáne basqa da arnaiy qurylymdardyń Ardagerler keńesterimen birge júzege asyrylmaq.
Jumys tájiribesimen bólisý jáne osy jobada birlesken mindetterdi anyqtaý úshin Almatyda, «Dinamo» Ortalyq keńesinde Politsiia departamentiniń, TJD, QR Ulttyq Ulanynyń «Ońtústik» óńirlik qolbasshylyǵynyń, Qorǵanys isteri jónindegi departamenttiń, Dene shynyqtyrý jáne sport ǵylymi-praktikalyq ortalyǵynyń, Jastar resýrstyq ortalyǵynyń, QR UQK Shekara qyzmeti akademiialarynyń jáne qoǵamdyq qorlardyń ókilderi jinaldy.
«Uly dala saqshylary» jobasynyń maqsaty – kásibi baǵdar berý jumysynyń ózekti máselelerin talqylaý jáne sheshý, sondai-aq, QR Ulttyq ulany men Shekara qyzmetiniń áskeri qyzmetshileri, sonymen qosa eldegi qaýipsizdik pen tynyshtyqty qamtamasyz etetin basqa da qurylymdardyń qoǵamdyq tártip pen qaýipsizdikti qorǵaýǵa bailanysty mamandyq tańdaýda oqýshylarǵa kómek kórsetý, tártip kúzeti mamandyǵynyń bedelin arttyrý.
Kezdesý barysynda qatysýshylar quqyqtyq tártip pen qaýipsizdik salasyndaǵy ári qaraiǵy qyzmetke jastardy kásibi baǵdarlaý salasynda mektepter men kolledjdermen ózara is-qimyl boiynsha pikir almasyp, tájiribe almasty. Atap aitsaq, kóp jyldan beri «Jas Búrkit balalar sport úiirmelerinde, aviamodeldi, órt-qutqarý, kóshe sporttarynda –WorkOut-te erte kásibi daǵdylary damidy, al «Dinamo» DShSQ Shymkent qalalyq filialynyń tájiribesi týraly bilý óte qyzyqty boldy.
Almaty qalasy Bostandyq aýdanynyń Qorǵanys isteri jónindegi basqarmasynyń tájiribesi tanymdy. Onda aýdan oqýshylarynyń sporttyq, áskeri-patriottyq tárbiesin qamtityn «Jas Sarbaz» qozǵalysy jumys isteidi. Al «Ońtústik» óńirlik qolbasshylyǵy óńirdiń 20 mektebinde «Jas Búrkit» synyptaryn ashýdy josparlap otyr.
«Uly dala saqshylary» jobasyn uiymdastyrýshylardyń kózqarasynsha – ol mektep, gimnaziia, kolledj, sondai-aq áskeri bilim berý litseileri oqýshylarynyń fizikalyq, patriottyq tárbiesi arqyly kásibi rezervti daiarlaýda kezeń-kezeńmen júzege asyrylady.
«Dinamo» atalmysh jobany damytýdyń jan-jaqty, ámbebap joldaryn josparlap otyr. Bul balalar men jastardyń olimpiadalyq, qyzmettik-qoldanbaly jáne ulttyq sport túrlerin tanymal etý, sondai-aq sporttyq viktorinalar, estafetalar men otbasylyq starttar ótkizý arqyly sabaqqa degen turaqty qyzyǵýshylyǵyn oiatý.
«Uly dala saqshylary» jobasy boiynsha alǵashqy birlesken is-sharany Halyqaralyq balalardy qorǵaý kúni qarsańynda ótkizý josparlanyp otyr.
