Abai Qunanbaevtyń 175 jyldyǵynyń qarsańynda Semei-Qaraýyl jolyn jóndeýge biyl 300 mln. teńge qarjy bólingendigi týraly ShQO ákimi Danial Ahmetov halyq aldyndaǵy esebinde aitty.
Abai aýdanynyń turǵyny oblys ákiminiń halyq aldyndaǵy esebi kezinde Semei qalasynan Qaraýyl aýylyna deiingi joldy jóndeýge qarjy bólýdi suraǵan edi.
Danial Ahmetov kóterilgen máseleniń sheshiletindigin jáne Abai jerinde birqatar igi isterdiń atqarylatyndyǵyn habarlady.
- Joldy jóndeýge 300 mln. teńge oblystyq biýdjetten bólip qoidyq. Jetpese taǵy qarastyramyz. Sonymen qatar, abattandyrý jumystaryn júrgizý úshin Abai aýdanyna qosymsha 100 mln teńge bólip otyrmyz. Biyl Qaraýyl aýylynda bassein salynady, - dedi aimaq basshysy.
Aita keter bolsaq, biylǵy jyldyń ózinde Shyǵys Qazaqstan oblysynda 365 km jol jóndelmek.
