Mádeniet jáne sport ministri Aqtoty Raiymqulova ulttyń «ideologiialyq immýnitetin» qalyptastyratyn jobalar ázirlenetinin málim etti, dep habarlaidy QazAqparat.
«Jyl basynan beri balalar men jasóspirimderge arnalǵan shyǵarmashylyq úiirmeler men sport sektsiialaryn jan basyna qarjylandyrý tetigin iske asyrý boiynsha belsendi jumystar júrgizilýde. Normativtik quqyqtyq aktilerdi ázirleý jáne qabyldaý máseleleri boiynsha qoǵamdyq uiymdar, múddeli memlekettik organdar ókilderiniń qatysýymen vedomstvoaralyq jumys toby belsendi jumys júrgizip keledi. Memlekettik shyǵarmashylyq jáne sporttyq tapsyrys jergilikti biýdjetti qaita bólý esebinen júzege asyrylatyndyǵyna erekshe atap ótý kerek. Osyǵan bailanysty tapsyrmanyń iske asyrýyna tiimdi monitoring júrgizilýi qajet», - dedi Aqtoty Raiymqulova ministrliktiń alqa májilisinde.
Onyń aitýynsha búgingi kúni syn-tegeýrinderine beiimdelý kezeńinde ulttyń tutastyǵy jańa ulttyq biregeilikti qurýdaǵy tabystyń negizgi kepili sanalady.
«Halyqaralyq tájiribe men ozyq praktikalarǵa súiene otyryp, Qazaqstanda mádeniet ulttyq basymdyqtar dárejesine kóterilip, ómir súrý sapasy ósýiniń asa mańyzdy faktory retinde tanylýǵa tiis. Ulttyń ishki, sondai-aq syrtqy ekonomikalyq jáne áleýmettik kúizelisterine «ideologiialyq immýnitetin» qalyptastyrýda mádeniet, óner, sport, týrizm salalarynyń missiiasy da erekshe mánge ie bolýy kerek. Joǵaryda aitylǵannyń negizinde ministrlik jergilikti atqarýshy organdarmen birlesip, atalǵan mindetterdi sheshýge baǵyttalǵan «El Rýhy», buqaralyq sportty jáne týristtik salany damytýǵa baǵyttalǵan ulttyq jobalardy ázirleýge kiristi», - dedi ol.
