Ulttyq volonterlik jelisi kezekten tys Prezident sailaýyna Qasym-Jomart Toqaevtyń kandidatýrasyna qoldaý bildirdi.
Búgin elordada ulttyq volonterlik jelisiniń jiyny ótti. Atalǵan jiynda elimizdiń volonterler qaýymy 20 qarashada ótetin prezident sailaýyna kandidat retinde Qasym-Jomart Toqaevty biraýyzdan usyndy.
«Osy jyldar ishinde Memleket basshysy volonterlik saladaǵy barlyq mańyzdy bastamalardy qoldap keledi. Sondai-aq volonterler men volonterlik uiymdardyń qyzmetin jáne eńbegin joǵary baǵalady. Prezident volonterlerge úlken senim artady, Memleket basshysynyń qoldaýy bizdi shabyttandyrady. QR Prezidenti Qasym-Jomart Toqaevqa degen senim mandatymyz elimizdiń kórkeiýi men halqymyzdyń múddesi úshin baǵyttalǵan. Memleket basshysynyń bastamasymen qolǵa alynǵan memlekettik baǵdarlamalar men reformalardyń jemisin barsha qazaqstandyq kórip otyr. Bizdiń Prezidentimiz volonterlik qozǵalysty qoldaidy, endeshe biz de óz Prezidentimizdi qoldaimyz», – dedi ulttyq volonterlik jelisiniń tóraǵasy Vera Kim.
Onyń aitýynsha, búginde elimizde 200 myńnan astam volonterdi qamtyǵan 600-den astam volonterlik uiym jumys isteidi.
Aita ketsek, Prezident 2020 jyldy eriktiler jyly dep jariialaý týraly bastamany qoldady. Eriktiler dárigerlermen jáne basqa qyzmettermen birge COVID-19 pandemiiasymen kúrestiń aldyńǵy qatarynda boldy. Volonterlik jobalar kezinde pandemiianyń kúrdeli kezeńinde kórsetken belsendiligi úshin 5 myń qazaqstandyqqa «Halyq Alǵysy» medali taǵaiyndalǵan.
