2017 jylǵy qyrkúiektiń 30-y kúni Qazaqstan Respýblikasy Ulttyq ulanynyń «Ońtústik» óńirlik qolbasshylyǵynda aldymyzda kele jatqan airyqsha merekelerdiń biri – Halyqaralyq qarttar kúnin atap ótti.
Elbasy aitqandai, eldegi qurmet ataýly adamdardyń bir birine degen iltipatynan, úlken jastaǵy adamdarǵa, qariia-qarttarǵa degen izgilikten turary anyq. Úlkenge izet kórsetý halqymyzdyń boiynda bar eń asyl qasiet.
1990 jyly BUU-nyń Bas Assambleiasy qazannyń 1-in Halyqaralyq qarttar kúni dep bekitken bolatyn.Qazaqstan Respýblikasynyń Konstitýtsiiasynda qart adamdardyń jalpy azamattyq jáne arnaiy quqyqtaryn saqtaý, onyń ishinde jasy boiynsha áleýmettik qamtamasyzdandyrylý, densaýlyǵyn saqtaý, bilikti, onyń ishinde aqysyz quqyqtyq kómek alý quqyǵy kepildendirilgen.
Ulttyq ulannyń «Ońtústik» óńirlik qolbasshylyǵynda ótetin sharaǵa ońtústik astanamyzda turatyn, ári sanaly ǵumyryn el qorǵaý qyzmetine arnaǵan qazyna qariialarymyz shaqyryldy. Olardyń jasy ǵasyr ǵumyrǵa jaqyndaǵandarynyń arasynda Uly Otan soǵysynda ot keshken maidanger ardagerlerimizde boldy.
Qazirgi tańda «Ońtústik» óńirlik qolbasshylyǵynyń Ardagerler keńesinde 600-den júzden asa qariia múshelikte tur. Olar óz kezeginde jas býyndy patriottyq tárbiege baýlýǵa ólsheýsiz úles qosyp keledi.
Saltanatty shara barysynda qarttarǵa qurmet kórsetilip, syilyqtar tabystaldy. Ári 5571 áskeri bóliminiń án-bi ansambliniń ázirlegen kontserttik baǵdarlamasy kórermen nazaryna usynyldy.
