Búgin, 29 tamyz kúni Qazaqstan Respýblikasy Ulttyq ulany «Ońtústik» óńirlik qolbasshylyǵynda Ata Zań kúnin ulyqtaýǵa arnalǵan birqatar merekelik sharalar ótkizdi.
Táýelsizdiktiń teńdessiz tartýy – Ata Zań merekesine arnalǵan saltanantty sharalar «Ońtústik» óńirlik óńirlik qolbasshylyǵyna qarasty Qyzylorda, Shymkent, Taraz, Taldyqorǵan jáne Almaty qalalaryndaǵy barlyq áskeri bólimderde ótti.
Almatydaǵy óńirlik qolbasshylyqta ótken sharany ashqan Ulttyq ulan «Ońtústik» óńirlik qolbasshylyǵy qolbasshysynyń mindetin ýaqytsha atqarýshy general-maior Andrei Dostaiuly Qaskeleńov: «Ata zań – bizdiń azattyq alǵaly atqarǵan barlyq isterimizdiń altyn tarazysy bolyp tabylady. Bas qujat memlekettiń órkenietti damýyna negiz qalady, adam quqyǵy men bostandyǵyn qorǵaý isine kepil boldy. Táýelsiz Qazaqstannyń Konstitýtsiiasy óziniń ómirsheńdigin, demokratiialyq qaǵidalarǵa adaldyǵyn dáleldedi. Uly zańymyzdy ulyqtap, qadir-qasietine mán berip, bárinen de biik, bárinen de qymbat asyl dúniemizdei ardaq tutý barshamyzdyń basty mindetimiz», - dep atap ótip, elimiz úshin máni men mańyzy airyqsha merekemen jinalǵandardy quttyqtady.
Osy oraida tarqatqanda Ulttyq ulannyń memlekettiń qaýipsizdigi jolynda, Ata Zańymyzdan tarmaqtalǵan zań qaǵidattarynyń saqtalyp, elimizde mamyrajai tynyshtyq qushaǵynda ómir súrýine sińirip otyrǵan qyzmeti ólsheýsiz deýge bolady. Qazirgi tańda jurtshylyqqa Ulttyq ulan sabyndaǵy áskeri qyzmetshiler Konstitýtsiiamen bekitilgen árbir zań talaptarynyń oryndalýyn qadaǵalaýshy, jeke adamdardyń, qoǵam men memlekettiń qaýipsizdigin qamtamasyz etýge, azamattardyń bostandyǵy men quqyqtaryn qylmystyq jáne quqyqqa qarsy áreketterden qorǵaýshylar retinde tanymal. Bul oraida Memleket basshysy N. Nazarbaev: “Bizdiń ishki áskerlerimiz asa jaýapty mindetterdi oryndaidy – olar elimizdegi ishki tártipti qamtamasyz etedi. Ásker elimizdiń ulttyq qaýipsizdigin nyǵaitýǵa úlken úles qosýda», dep atap ótken bolatyn.
Ústimizdegi jyly Qazaqstan Respýblikasy Ulttyq ulanyn 2017-2019 jyldary damytý men jetildirýge arnalǵan Jospardy júzege asyrý bastaldy. Bul aýqymdy atqarylar jumystyń maqsaty Ulttyq ulan vedomstvosyn Qazaqstan Respýblikasy IIM júiesinde damyta otyryp, jeke quramnyń utqyrlyǵyn, áskeri qyzmetshilerdiń kásibi biliktiligin arttyrý, el qaýipsizdigin tiimdi qorǵaýǵa múmkindik beretin zamanaýi qarý-jaraq, áskeri jáne arnaiy tehnikamen jasaqtaý bolyp tabylady.
Sondai-aq, táýelsizdik jyldary qyzmettik-jaýyngerlik mindetterdi oryndaý kezinde tanytqan erligi men batyldyǵy, áskeri qyzmettegi jetistikteri úshin Ulttyq ulany «Ońtústik» óńirlik qolbasshylyǵynyń 100-den asa jaýyngeri orden jáne medaldarmen nagradtaldy. Sońǵy eki jyldyń ishinde ǵana áskeri qyzmetti abyroily atqaryp, qoǵamdyq tártipti qamtamasyz etý kezinde qyzmetti uiymdastyra bilýi men qylmystardy ashýǵa belsendi atsalysqany úshin 22 áskeri úkimettik jáne vedomstvolyq nagradalarmen marapattaldy.
Qoryta aitqanda, Ulttyq ulan jaýyngerleriniń aibyndy qyzmeti – halqymyzdyń bostandyǵynyń, elimizdegi quqyqtyq tártip pen tynyshtyqtyń jáne ár qazaqstandyq senimdiliginiń myzǵymas kepili. Ata zańǵa adal jaýyngerler el igiligi men qoǵam tynyshtyǵy jolynda qaltqysyz qyzmet ete bermek.
Shara barysynda jaýyngerlik qyzmette erik, jigerimen, tabandylyǵy jáne eńbeksúigishtigimen daralanǵan áskeri qyzmetshilerge qurmet kórsetilip, syi-marapat jasaldy.
Sondai-aq, ulandyqtar atalǵan merekege airyqsha qurmet bildire otyryp, Almaty qalasy S.Seifýllin jáne M.Mametova kósheleriniń qiylysyndaǵy «MEGA» oiyn-saýyq kesheninde qala turǵyndary úshin QR Ulttyq ulany «Ońtústik» óńirlik qolbasshylyǵynyń «General» án-bi ansambli merekelik kontsertik baǵdarlamamen tartý jasady.
Maior Arman ÁÝBÁKIROV,
QR Ulttyq ulany
«Ońtústik» óńirlik qolbasshylyǵy
baspasóz qyzmetiniń bastyǵy
