Ótken jeksenbi kúni Almaty qalasynyń irgesindegi Uzynaǵash kentinde Qazaqstan Respýblikasy Ulttyq ulanynyń 25 jyldyq merekesine orailastyrylyp regbiden jarys ótti.
Atalǵan dúbirli dodany uiymdastyrýǵa Qazaqstan Respýblikasy Ulttyq ulany «Ońtústik» óńirlik qolbasshylyǵy uiytqy boldy. Jarysqa segiz komanda qatysty.
Regbi oiyny jaily qysqa toqtala etsek, 2015 jyldan beri «Regbi» oiyny Olimpiada oiyndarynyń quramyna kirip, kúlli álemde úlken bedelge ie bolyp tur. Jalpy alǵanda, regbi oiynyn myqtylardy oiyny nemese áskerilerdi oiyny dep jatady. Óitkeni, shet memleketterde áskeri salada keń órken jaiǵan oiyn. Iaǵni, áskeri salada damytýǵa qolaily jarys túri. Qazirgi tańda Ulttyq ulan sabynda atalǵan spor túrin damytý jiti nazarǵa alynǵan.
2015 jyly Ulttyq ulan Bas qolbasshysy general-leitenant Rýslan Jaqsylyqovtyń buiryǵymen regbi Ulttyq ulanda qoldanbaly sport túriniń qataryna endi. Ótken jyly tuńǵysh ret regbiden Ulttyq ulannyń birinshiligi bolyp ótti.
Dodanyń ashylý rásimine kúsh-qýat organdarynyń jetekshileri aýdandyq máslihat depýtattary, sondai-aq respýblikalyq sport uiymdarynyń jáne buqaralyq aqparat quraldarynyń ókilderi qatysty. Sharaǵa arnaiy kelgen Qazaqstan regbi federatsiiasynyń prezidenti Murat Jumabekuly Ýanbaevtyń aitýynsha, Qazaqstanda regbi oiyny 1966 jyldan beri oinalyp, kóbine-kóp stýdentter qaýymy arasynda oinalyp keledi eken. 80-shi jyldary Almaty politehnikalyq institýtynyń stýdentteri KSRO chempionatyna da qatysyp, bas júldeni jeńip alǵan eken. «Qazirgi tańda regbi oiyny qarqyndy damý ústinde. Ásirese, áskeri salada Ulttyq ulannyń qolbasshylyǵy bul oiynǵa úlken mán berip, qoldanbaly sport retinde damytýǵa kúsh salýda. Ulandyqtar sońǵy jyldary barlyq áskeri bólimderinde osy oiynnan jarystar ótkizip, sońynan úlken kólemdegi respýblikalyq dodany uiymdastyryp otyr. Salaýatty ómir saltyn nasihattap, sport ataýlyǵy keń túrde kóńil bólip otyrǵan Ulttyq ulan qolbasshylyǵyna alǵysymdy bilidiremin», dep atap ótti Qazaqstan Respýblikasy regbi federatsiiasynyń tóraǵasy M.Ýanbaev.
Jarystyń qorytyndysy boiynsha Almaty qalasy 3650 áskeri bóliminiń sportshylary bas júldeni ielenip, Ulttyq ulan «Ońtústik» óńirlik qolbasshylyǵy qolbasshysynyń kýbogyn ielendi. Al ekinshi orynnan almatylyq 7552 áskeri bólimi kórinse, qola júldeni Taraz qalasynan kelgen 5513 áskeri bóliminiń regbi komandasy ielendi.
Oiynnyń úzdik oiynshysy bolyp, 6698 áskeri bóliminiń sportshysy serjant Qaharman Nambaev tanyldy.
Jeńimpazdar baǵaly syilyqtarmen marapattalyp, sonymen qatar 28237 áskeri bóliminiń dene shynyqtyrý jáne sport qyzmetiniń bastyǵy maior Tólegen Abdrahimovqa jáne oiyn sýdialary Baǵdat Moldahmetke, Tair Mikýlichke qolbasshy atynan alǵys jariialandy.
