Mádeniet jáne sport ministri Aqtoty Raiymqulova ulttyq sport túrlerin mektep baǵdarlamasyna engizý qadamdaryn túsindirdi, dep habarlaidy QazAqparat.
Búgin Senattyń jalpy otyrysynda depýtat Erik Sultanov bilim berý baǵdarlamasyna ulttyq sporttyń qai túrleri enetinin jáne bul qadamdar qalai júzege asyrylatynyn surady.
«Jalpy, ulttyq sporttyń 20-dan astam túri bar. Zań jobasy boiynsha bilim berý uiymdaryna ulttyq sport túrlerin oqý baǵdarlamalaryna mindetti komponent retinde engizý týraly jumys pysyqtalyp jatyr. Osy oraida kezeń-kezeńmen iske asyrý qadamdary qarystyrylyp otyr. Qazirgi kezde tiisti tektikter eskerilip, normativtik-quqyqtyq aktiler ázirlendi», - dedi ministr
Onyń aitýynsha, eń aldymen bilim berý uiymdarynda asyq atý, toǵyzqumalaq, qazaq kúresin engizý josparlanyp otyr.
«Sonymen qatar, aýdaryspaq, kókpar, jamby atý, jekpe-jek siiaqty ulttyq sport túrlerinen oqýshylar densaýlyǵyna zaqym kelmeitin jattyǵýlary men elementterin engizý josparlanyp otyr. Atap aitqanda, bul qadamdar kezeń-kezeńmen iske asyrylady. Qazirgi kezde qanatqaqty joba retinde Nur-Sultan qalasynda qazaq kúresi ulttyq sport túrin orta bilim mektepterinde engizý qarastyrylyp otyr», - dedi Raiymqulova.
Budan buryn habarlanǵandai, Parlament Senatynyń jalpy otyrysynda «Qazaqstan Respýblikasynyń keibir zańnamalyq aktilerine mádeniet, dene shynyqtyrý jáne sport máseleleri boiynsha ózgerister men tolyqtyrýlar engizý týraly» Zańy qabyldandy.
Bul qujatta ulttyq sport túrlerin damytý, olardy jas býynǵa mektep kezinen bastap nasihattaý máselelerine de erekshe nazar aýdarylǵan.
