2017 jylǵy 18 naýryzda saǵat 19:00-02:00 aralyǵynda Qazaqstan Respýblikasy Ulttyq mýzeiinde Naýryz merekesine orai «NAÝRYZ – JAŃǴYRÝ NYShANY» atty «Mýzeidegi tún» aktsiiasy ótedi.
Shara barysynda qazaqtyń asyq atý, arqan tartý, qol kúresi syndy ulttyq oiyndary oinatylyp, naýryz kádesi, aitys t.b qazaqtyń tól óneri men salt-dástúrleri kórsetiledi. Sonymen qatar, kiiz úidiń qurylysy men jabdyqtary týraly lektsiia, qurt ázirleý, kiizden oiynshyq jasaý, kenepke sýret salý, sándik interer jáne oiý-órnek, dánnen panno jasaý, keramikalyq buiymdar ázirleý boiynsha sheberlik-synyptary ótedi. Astana qalasyndaǵy Olga Kriýkovanyń Dizain jáne Sán mektebiniń stilistteri men imidj sheberleri usynǵan arnaiy sheberlik-synyptary da bar.
Mektep jasyndaǵy oqýshylar men stýdentterge arnap «Arheologiialyq kvest» oiyny jáne «Jas arheolog» atty ǵylymi shoý baǵdarlama uiymdastyrylady. Jáne de sýretke túsýge arnalǵan arnaiy zal ázirlenedi.
Aktsiia barysynda Astana qalasyndaǵy «Obereg» – ýkrain mádeni ortalyǵynyń vokaldy-horeografiialyq ansambli, «Zlata» – bolgar mádeni ortalyǵynyń, jáne «Poliaki» – poliak mádeni ortalyǵynyń ónerpazdarynyń qatysýymen ótetin kontserttik baǵdarlama usynylady.
Sondai-aq, zergerlik buiymdar, kádesyilar jáne kitaptar satylymǵa qoiylatyn jármeńke uiymdastyrylady.
Álem mýzeilerinde keńinen nasihattalatyn «Mýzeidegi tún» aktsiiasy Ulttyq mýzeide osymen úshinshi ret ótkizilmek. 2015 jyly ótken «Mýzeidegi tún» sharasyna 23 myń adam qatyssa, 2016 jyly kelýshilerdiń sany 30 myńnan asty. Budan bylai mýzei atalǵan aktsiiany jylyna 4 márte uiymdastyrýdy josparlap otyr.
