© Photo: Unsplash/Leo Rivas
Qarjy ministrliginiń biýdjettik kreditteý, ulttyq qor jáne qarjy sektory máseleleri jónindegi ózara is-qimyl departamentiniń direktory Aibol Arǵynǵazin Ulttyq qordyń aqshasy balalar shotyna 1 aqpanda aýdaryla bastaitynyn aitty, - dep habarlaidy Kazinform agenttigi.
«Ulttyq qor tólemderin Biryńǵai jinaqtaýshy zeinetaqy qoryna 2024 jyldyń 1 aqpanynan bastap aýdarady. 18 jasqa tolmaǵan barlyq balaǵa birdei soma aýdarylady. Al kámelet jasyna 2024 jyly tolatyn balalar sol qarajat shotyna túsken kezden bastap ótinim berip, Ulttyq qor aqshasyn paidalaný maqsatyn rastaityn qujatty kórsetý arqyly ári qarai bul qarajatty paidalana alady», - dedi Aibol Arǵynǵazin vedomstvo uiymdastyrǵan brifingide.
Sondai-aq, Ulttyq qor qarajatyn emdeý sharalaryna jumsaýǵa ruqsat joq ekenin aitty.
Onyń sózinshe, densaýlyǵyna bailanysty qiyndyqqa tap bolǵan azamattarǵa qoldaý kórsetýdiń «Qazaqstan halqyna qory», zeinetaqy jinaǵynyń artylǵan kólemin paidalaný siiaqty túrli tetikteri bar.
