Respýblikalyq biýdjetti naqtylaý kezinde tiisti saraptamalar júrgizilmeidi. Ol biýdjettik baǵdarlamalar ákimshileriniń biýdjettik ótinimderi negizinde naqtylanǵan respýblikalyq biýdjet jobasyna engiziledi, dep habarlaidy "Ult aqparat".
Mundai sharalar «Ekonomikany turaqtandyrý jónindegi odan arǵy sharalar týraly» Qazaqstan Respýblikasy Prezidentiniń 2020 jylǵy 16 naýryzdaǵy № 287 Jarlyǵyn iske asyrý jónindegi sharalar týraly» Qazaqstan Respýblikasy Úkimetiniń 2020 jylǵy 20 naýryzdaǵy № 126 qaýlysyna ózgeris pen tolyqtyrýlar engizý týraly Qazaqstan Respýblikasynyń Úkimetiniń jańa qaýlysynda kózdelgen.
Qaýlyǵa sáikes, biýdjettik investitsiialar jáne biýdjettik kreditter tásilimen qarjylandyrylatyn jobalar, onyń ishinde kvazimemlekettik sektor sýbektileri boiynsha respýblikalyq biýdjetti naqtylaý kezinde tiisti saraptamalar júrgizilmeidi jáne biýdjettik baǵdarlamalar ákimshileriniń biýdjettik ótinimderi negizinde naqtylanǵan respýblikalyq biýdjet jobasyna engiziledi.
Biýdjettik baǵdarlamalar ákimshisiniń basshysy jáne biýdjettik investitsiialar ne biýdjettik kredit alatyn kvazimemlekettik sektor sýbektisiniń basshysy áleýmettik-ekonomikalyq ornyqtylyqty qamtamasyz etý sharalaryn qabyldaýǵa baǵyttalǵan aktivter boiynsha jobalarda áleýmettik-ekonomikalyq áser beretin jáne daǵdarysty jaǵdailar turaqtanǵannan keiin otandyq biznesti (onyń ishinde eksportty) qoldaýdy, turaqty jumys oryndaryn saqtaýdy (qurýdy) kózdeýge tiis.
Bul rette respýblikalyq biýdjettik baǵdarlamalardyń ákimshileri biýdjettik josparlaý jónindegi ortalyq ýákiletti organǵa is-sharalardy qarjylandyrý jónindegi biýdjettik ótinimderdi engizedi.
Qazaqstan Respýblikasynyń Prezidenti tótenshe nemese soǵys jaǵdaiyn engizgen kezde jergilikti atqarýshy organdar qajet bolǵan jaǵdaida rezervtiń jalpy kólemin transfertter men qaryzdardy esepke almai, tiisti jergilikti biýdjet túsimderi kóleminiń on protsentine deiin ulǵaitýy múmkin.
Jergilikti atqarýshy organdar rezerviniń biýdjettik baǵdarlamasyna jergilikti biýdjet qarajatyn bekitilgen (naqtylanǵan) biýdjet boiynsha aǵymdaǵy qarjy jylyna biýdjettik baǵdarlamalar ákimshisine bólingen jalpy kólemniń on protsentinen aspaityn kólemde qaita bólý jergilikti atqarýshy organdardyń qaýlysymen bekitilgen biýdjettik baǵdarlamalardyń tizbesi men kólemine sáikes biýdjet shyǵystarynyń qurylymyn ózgertpei, biýdjetti túzetý arqyly júzege asyrylady.
Ótken qarjy jylynda Qazaqstan Respýblikasynyń Ulttyq qorynan respýblikalyq biýdjetke tartylǵan paidalanylmaǵan qarajat qaitarýǵa jatpaidy jáne tótenshe jaǵdai kezinde biýdjetti naqtylaý arqyly paidalanylýy múmkin.
Tótenshe jaǵdai engizilgen kezde jalpy sipattaǵy transfertterdiń kólemi qandai da bir óńirdiń ózindik ereksheligine bailanysty nysanaly trasfertterdi tómengi biýdjetten joǵarǵy biýdjetke qaitarý arqyly qaita qaralýy múmkin.
Qaýlynyń tolyq mátinimen Qazaqstan Respýblikasy Premer-Ministriniń resmi aqparattyq resýrsynan tanys bola alasyzdar.
