Ulttyq qor jinaqtaý rejiminen tutyný rejimine aýysyp ketti. Bul týraly búgin QR Parlamenti palatalarynyń birlesken otyrysynda Senat depýtaty Olga Perepechina aitty, dep habarlaidy "Ult aqparat".
«Ulttyq qor jinaqtaý rejiminen tutyný rejimine aýysyp ketti. Jáne de bizge oryn alyp otyrǵan betalysqa óte tyńǵylyqty bolý qajet. Respýblikalyq biýdjettiń kirisinde jyl saiyn Ulttyq qor transfertteriniń úlesi ósip barady. 2020 jyly ol 40 paiyzdy qurady. Pandemiiaǵa bailanysty ahýaldyń jaqsaratyndyǵyna ázirshe senim joq. Al memlekettik mindetteme kólemi ósip keledi. Áleýmettik blok shyǵystar qazirdiń ózinde biýdjet kóleminiń 40 paiyzynan asyp ketti», - dedi senator.
Onyń atap ótýinshe, daǵdarys kezeńinde bul májbúrli ári negizi bar is-shara sanalady.
«Biraq, álemdik ekonomikaniń túbegeili ózgerýi aiasynda shikizattyń emes kiristerdiń jańa kózderin izdeý jáne elimizdiń «qaýipsizdik jastyǵy» ári bolashaq urpaqqa arnalǵan qarajatty basqarýdyń ádisterin qaita qarastyrý qajet», - dedi Olga Perepechina.
