Foto: QR MAM
Qazaqstan Respýblikasynyń Mádeniet jáne aqparat ministrliginiń qoldaýymen QR Ulttyq akademiialyq kitaphanasynda «Ult jáne ulttyq kitap» atty ashyq esik kúni ótti, dep habarlaidy Ult.kz.
Is-sharanyń maqsaty – qalamger, kitap jáne oqyrman arasyndaǵy bailanysty nyǵaityp, mádeni-rýhani qundylyqtardy qoǵamǵa jan-jaqty nasihattaý, intellektýaldy jastardy yntalandyrý.
Ashyq esik kúni aiasynda kitaphanadaǵy jańartylǵan kovorking ortalyǵynyń saltanatty ashylýy ótti. Zamanaýi formattaǵy bul keńistik oqyrmandardyń birlesip jumys isteýine, pikir almasýyna, bilimin jetildirýine múmkindik beredi.
Foto: QR MAM
Sondai-aq «Kitap – ulttyq qundylyq» atty dóńgelek ústel uiymdastyrylyp, otandyq ádebietti qoldaýǵa baǵyttalǵan táýelsiz joba — Mecenat.kz ádebi syilyǵy tanystyryldy. Dóńgelek ústelde Estoniia Elshisi Iaap Ora, aqyn-dramatýrg Baianǵali Álimjanov, professor Ásima Ishanova, jazýshy Nartai Saýdanbekuly, synshy Amangeldi Keńshilikuly jáne basqa da ziialy qaýym ókilderi sóz sóilep, ádebi shyǵarmalar arqyly ulttyq ádebietke qoldaý kórsetýdiń mańyzyn atap ótti.
Sonymen qatar is-shara aiasynda QR Memlekettik syilyǵynyń laýreaty Roza Muqanovanyń «Kitap – aqyl nury» atty sheberlik sabaǵy, «Ainadan/Zazerkale» sýret kórmesi jáne mektep oqýshylaryna arnalǵan «Ozyq oi alańy» atty book quiz uiymdastyrylyp, jýrnalist Mánshúk Shymyrbaidyń «Dana. The World Citizen» derekti filmi kórsetildi.
«Ulttyq kitap» kúnine orai elimizdiń barlyq óńirinde ashyq esik kúnderi, kitap festivalderi, kórme-jármeńkeler, baspagerler jáne kitap dúkenderimen birlesken jobalar uiymdastyryldy. Bul aktsiialarǵa respýblika boiynsha 25 000-ǵa jýyq adam qatysty.
Foto: QR MAM
