Ulttyq qoǵamdyq senim keńesi músheleriniń jumys kezdesýi ótti. Jiynda ótken jyldaǵy jumys qorytyndysy shyǵarylyp, aldaǵy jylǵa jumys jospary naqtylandy, dep habarlaidy QazAqparat.
Ulttyq keńestiń bastamalaryn júzege asyrý aiasynda 2021 jyly 7 zań qabyldanǵan bolatyn.
Onyń ishinde aýylsharýashylyq jerlerin sheteldikterge satýǵa tyiym salatyn zań, sonymen birge saiasi partiialardyń Parlament Májilisine ótý shegin tómendetý jáne sailaý biýlletenderine «bárine qarsy» baǵanyn engizý boiynsha jańa normalardy qamtityn sailaý týraly zań bar.
Jalpy alǵanda, Ulttyq keńes qurylǵannan beri Memleket basshysynyń bastamalaryn iske asyrý maqsatynda 90-nan astam normativtik quqyqtyq aktiler qabyldandy.
Qazirgi ýaqytta taǵy 12 zań jobasy ázirleý jáne qaraý satysynda.
Sondai-aq otyrysta UQSK músheleri aldaǵy jyly uiymdastyrylatyn zertteý jumystarynyń taqyryptar tizbesin talqylady.
Bul zertteý jumystary negizinde memlekettik organdarǵa arnaiy usynystar ázirlenedi dep boljanýda.
Keńes aiasyndaǵy 4 jumys tobynyń árqaisysynyń sheńberinde belgili bir baǵyttaǵy ózekti máseleler jeke-jeke zerdelenedi.
Atap aitsaq, Jemis Turmaǵambetova, Bórihan Nurmuhamedov, Murat Ábenov, Saiasat Nurbek, Tóleýtai Raqymbekov, Marat Báshimov, Rasýl Jumaly, Lazzat Qojahmetova, Dáýren Qýat, Ashat Sadyrbai, Aleksandr Danilov, Táttigúl Talaeva, Daniia Espaeva, Qanat Nurov, Qaisar Tursynqoja, Qanat Sahariia, Berik Ábdiǵaliuly, Andrei Chebotarev, Aiman Omarova jáne Islambek Saljanov zertteýlerdi ótkizýge qatysty óz usynystaryn bólisti.
Sonymen qatar, jiynǵa qatysýshylar kelesi jyly túrli salalardaǵy reformalardyń júzege asyrý barysyn talqylaý boiynsha memlekettik organdar basshylarynyń qatysýymen josparlanatyn kezdesýlerdi ótkizý, óńirlerde kóshpeli otyrystardy uiymdastyrý suraqtaryna toqtaldy.
Qazaqstan Respýblikasy Prezidenti janyndaǵy Ulttyq qoǵamdyq senim keńesi - konsýltatsiialyq-keńesshi organ.
Onyń negizgi maqsaty – qoǵam qairatkerleri, saiasi partiia ókilderi jáne sarapshylarmen keńinen talqylaý ótkizý negizinde memlekettik saiasattyń kókeikesti máseleleri boiynsha usynystar men usynymdar ázirleý.
Ulttyq keńesti qurý týraly Jarlyqqa 2019 jylǵy 12 maýsymda qol qoiylǵan.
