Ulttyq keńes qoǵamnyń senimin aqtai alatynyn dáleldedi. Bul týraly búgin Ulttyq qoǵamdyq senim keńesiniń ekinshi otyrysynda QR Prezidenti Qasym-Jomart Toqaev aitty, dep habarlaidy "Ult aqparat".
«Ulttyq keńestiń hatshylyǵy maǵan esep berip otyr. Bul rette biliktiń dialog ornatýǵa jáne reforma jasaýǵa múddeli ekenine eshkimniń kúmáni joq dep oilaimyn. Sizderdiń kópshiligińizben jeke kezdestim. Usynystaryńyzdy, bastamalaryńyzdy muqiiat qarastyryp, birqatar ózekti máseleler jóninde pikir almastyq», - dep atap ótti Memleket basshysy.
Qazaqstan Prezidenti Ulttyq keńes músheleri jumys barysynda qyzý pikirtalasqa túsip, mańyzdy jaǵdailardy talqylaǵanyn atap ótti.
«Sonyń barysynda atap ótýi kerek, birqatar túitkildi másele boiynsha ortaq ustanymǵa keldik. Bul demokratiiany nyǵaitýǵa jáne qoǵamnyń biilkke degen senimin arttyrýǵa úlken serpin beretin jumys dep sanaimyn. Bizdiń tájiribemiz halyqaralyq uiymdar tarapynan joǵary baǵalanyp otyr. Kópshilik ony jaýapty ári syndarly dialogtyń úlgisi retinde qabyldady. Eń bastysy ulttyq keńes qoǵamnyń senimin aqtai alatynyn dáleldi. Munyń taǵy bir mańyzdy qyry bar. Biz syndarly dialog arqyly jańa saiasi mádeniettiń negizin qalyptastyryp jatyrmyz. Sonyń arqasynda sanalýan pikirler men balama kózqarastar, syndarly ustanym, jaýapkershilik siiaqty qundylyqtar aldyńǵy qatarǵa shyǵady», - dedi Memleket basshysy.
