Pedagogter arasynda Ulttyq biliktilik testileý bastalǵan kúnnen beri 349 muǵalim ereje buzyp úlgergen. Bul týraly Ulttyq testileý ortalyǵynyń direktory Didar Smaǵulov aityp berdi, dep habarlaidy "Ult aqparat".
«Biz qadirli pedagogterimizge asqan qurmetpen qarap, olardyń jumysyn baǵalaimyz. Mine, sondyqtan da QR Bilim jáne ǵylym ministrliginiń tapsyrmasymen Ulttyq biliktilik testileýdiń qatysýshylarynda tyiym salynǵan zattardyń (smartfondardyń, shpargalkalardyń jáne basqa da qurylǵylardyń) bar-joǵy tekserilmeitin. Ókinishke orai, keibir áriptesterimiz bizdiń kórsetken qurmetimizdi álsizdikke teńep, tyiym salynǵan zattardy jappai qoldana bastady», - dep jazdy Smaǵulov Facebook jelisinde.
Onyń aitýynsha, 2020 jyly Erejeni buzǵan 1202 muǵalim anyqtalsa, 2021 jyldyń 19 kúninde ǵana bul kórsetkish 349-ǵa deiin ósken.
«Sonymen birge mikroqulaqqaptar men mikrofondardy qoldanýdyń jappai faktileri anyqtaldy, negizinen olardyń taralymy shekteýli jáne paidalanýy úshin qylmystyq bap qarastyrylǵan. Osy faktilerdi eskerip, búgin QR Bilim jáne ǵylym ministrliginiń apparattyq jinalysynda Ulttyq biliktilik testileýdi tapsyrý kezinde muǵalimderdi tekserýdi engizý qajettigin aittym. Sene otyra, tekserýdi de umytpaý ádisi áldeqaida jaqsy jumys isteidi», - deidi D. Smaǵulov.
